ოკუპირებული აფხაზეთის ე.წ. საგარეო საქმეთა სამინისტრომ კიდევ ერთხელ მოუწოდა საქართველოს ხელისუფლებას, ხელი მოაწეროს ძალის გამოუყენებლობის შესახებ იურიდიულად სავალდებულო დოკუმენტს და აფხაზეთი დამოუკიდებელ სახელმწიფოდ აღიაროს. ასე გამოეხმაურა დე ფაქტო ხელისუფლება საქართველოს პრემიერ-მინისტრის, ირაკლი კობახიძის მიერ გაეროში გაკეთებულ განცხადებებს.
ახალი ამბები
მკითხველის რჩეული
- 1 „გამოვძებნით ძალას, რათა ბოდიში მოვიხადოთ“ - ივანიშვილი 2008 წლის ომზე
- 2 ვის მოვუხადოთ ბოდიში შინდისის გმირების ოჯახებმა? - გამოხმაურება ივანიშვილის განცხადებაზე
- 3 „ძლიერი საქართველოს“ საგარეჯოს ორგანიზაციის წევრს სასამართლომ გირაო შეუფარდა
- 4 რასაც ახლა საქართველოს ხელისუფლება აკეთებს, ეროვნული იდენტობის გაცნობიერებაა - ლავროვი
- 5 აშშ-ის საელჩო ირაკლი კობახიძის მიწვევის გაუქმების მიზეზებს ასახელებს
- 6 საგარეო საქმეთა სამინისტრო დავით ზალკალიანის გადადგომას უარყოფს
„კიდევ ერთხელ მოვისმინეთ საქართველოს ხელმძღვანელობის განმეორებითი რიტორიკა ერთი და იგივე მითიური ტერმინებით. მიგვაჩნია, რომ თუ საქართველოს ხელმძღვანელობა იგივე სულისკვეთებით გააგრძელებს, წარსულის დაძლევაში დადებით შედეგებს ვერ მივაღწევთ.
ჩვენ კიდევ ერთხელ მოვუწოდებთ საქართველოს, ხელი მოაწეროს იურიდიულად სავალდებულო დოკუმენტს ძალის გამოუყენებლობის შესახებ და აღიაროს აფხაზეთის რესპუბლიკა სუვერენულ და დამოუკიდებელ სახელმწიფოდ“, - ნათქვამია გავრცელებულ განცხადებაში.
პრემიერ-მინისტრმა ირაკლი კობახიძემ 25 სექტემბერს, გაეროს გენერალური ასამბლეის 79-ე სესიაზე სიტყვით გამოსვლის დროს საქართველოს ოკუპირებულ რეგიონებში მაცხოვრებლებს მიმართა და თქვა, რომ საოკუპაციო ხაზის ამ მხარეს მათ ყოველთვის გულღიად მიიღებენ.
„მინდა, ვისარგებლო ამ შესაძლებლობით და მივმართო ჩვენს ხალხს საოკუპაციო ხაზის მეორე მხარეს, აფხაზეთისა და ცხინვალის რეგიონებში. ჩვენი ყველა ნაბიჯი მიმართულია იმისკენ, რომ დავეხმაროთ ჩვენს ხალხს და ერთ დღეს ჩვენ, ჩვენს შვილებთან ერთად, შევძლოთ ერთად ცხოვრება ბედნიერ, გაერთიანებულ და განვითარებულ საქართველოში. საოკუპაციო ხაზის ამ მხარეს ჩვენ ყოველთვის გულღიად მიგიღებთ. ჩვენ უნდა აღვადგინოთ ყველა დანგრეული ხიდი ჩვენს ქვეყანაში“, - თქვა კობახიძემ.
საქართველოს მთავრობის მეთაურს ოკუპირებულ ცხინვალშიც მყისიერად უპასუხეს. ე.წ. საგარეო საქმეთა სამინისტროს განცხადებით, მათთვის კვლავ საკვანძო საკითხად რჩება მიერ „სამხრეთ ოსეთის რესპუბლიკასთან უსაფრთხოების გარანტიების შესახებ იურიდიულად სავალდებულო დოკუმენტის ხელმოწერა“. ამასთან, ცხინვალში ხაზს უსვამენ, რომ აუციელებელია იმ გეოპოლიტიკური რეალობის აღიარება, რომელიც რეგიონში 2008 წლის აგვისტოს შემდეგ გაჩნდა.