პრემიერ-მინისტრ ირაკლი კობახიძის განცხადებით, კანონით ინოვაციური სტარტაპის სტატუსი განისაზღვრება და ამ სტატუსის მქონე კომპანიებს, სამი წლის განმავლობაში, ყველა გადასახადი გაუნულდებათ.
ახალი ამბები
მკითხველის რჩეული
- 1 ეს არის ღალატი, ამ კანონით ეს ქვეყანა თქვენ მიგყავთ რუსეთისკენ - ეთერ თურაძე შალვა პაპუაშვილს
- 2 სტიგმატიზება საბედისწერო შეიძლება იყოს ადამიანების სიცოცხლისთვის - ზენონი რუსულ კანონზე
- 3 ფიცს ვდებ, თუ კანონს არ გაიწვევენ, დავტოვებ პარტიას და თანამდებობას - „ოცნების“ წევრი თელავიდან
- 4 ქართველი ხალხის მომავალი სასწორზეა - 12 ქვეყნის საგარეო კომიტეტები რუსულ კანონზე
- 5 სასამართლომ ანტიკორუფციულ ბიუროს სანქცირებული მოსამართლეების ქონების შემოწმება აუკრძალა
- 6 საქართველო შესაძლოა კანდიდატის სტატუსამდე პოზიციებს დაუბრუნდეს - ევროპარლამენტარები
„ეს არის ძალიან მნიშვნელოვანი ინიციატივა. საქართველოს მთავრობის მიერ შესაბამისი კანონპროექტი უახლოეს მომავალში დაინიცირდება“, - თქვა კობახიძემ ინოვაციებისა და ტექნოლოგიების სააგენტოს ათი წლის იუბილესთან დაკავშირებულ ღონისძიებაზე გამოსვლისას.
„საქართელოს ეკონომიკის გლობალური კონკურენტუნარიანობის და სამეცნიერო პოტენციალის მაქსიმალური გამოყენების მიზნით, განისაზღვრება ქვეყნის სამი ძირითადი ტექნოლოგიური მიმართულება, პირველი, დღევანდელ მსოფლიოში ხელოვნური ინტელექტის განვითარების გარეშე გლობალურ კონკურენციაში ღირსეული ადგილის დამკვიდრება ბუნებრივია შეუძლებელია. ამ ახალ რეალობაზე საპასუხოდ განათლების, ჯანდაცვის, სოფლის მეურნეობის და სხვა მიმართულებებით ხელოვნური ინტელექტის დანერგვაზე სამუშაოდ შეიქმნება სპეციალური სამეცნიერო ჯგუფი. შემდეგი საკვანძო მიმართულებაა ფაგები. მოგეხსენებათ, საქართველო ამ ტექნოლოგიებში არის პიონერი, აქვს ქვეყანას ფაგების კვლევის თითქმის საუკუნოვანი გამოცდილება. დღეს, როდესაც მსოფლიოს მასშტაბით განსაკუთრებით იზრდება ფაგებზე მოთხოვნა, საქართველოს შეუძლია მსოფლიოს შესთავაზოს მნიშვნელოვანი ტექნოლოგიური პროდუქტები ამ მიმართულებით. და ბოლოს აგროტექნოლოგები, აგრარულ სექტორში საქართველოს მოსახლეობის უდიდესი ნაწილია დასაქმებული, სააგენტო მიზნად ისახავს ახალი სამეცნიერო ტექნოლოგიური პროდუქტების შექმნას, რომლებიც ქართველ ფერმერებს პროდუქტიულობის და კონკურენტუნარიანობის გაზრდაში დაეხმარება“, - განაცხადა კობახიძემ.
პრემიერ-მინისტრის ინფორმაციით, ბოლო ათი წლის განმავლობაში, საგრანტო პროგრამების ფარგლებში, გლობალური მასშტაბის პოტენციალის მქონე ინოვაციური სტარტაპები დაახლოებით 38 მილიონი ლარით დაფინანსდა, ბენეფიციარებმა ნახევარი მილიარდი ლარის ოდენობის ფინანსური სარგებელი მიიღეს და 3 ათასი ახალი სამუშაო ადგილი შექმნეს.
