ჯგუფ „დაიტოვეს“ ერთ-ერთი დამფუძნებლის, აქტივისტ ილია ღლონტის საცხოვრებელ ბინაში შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლები შევიდნენ და ჩხრეკა ჩაატარეს.
ახალი ამბები
მკითხველის რჩეული
- 1 კობახიძე მაღაროელების პროტესტზე: რთულია კერძო ბიზნესს ხელფასების გადახდა მოსთხოვო
- 2 ენმ: გენერლები გოგავა და ყურაშვილი რუსულ კომისიაზე პარტიული აფილიაციის გარეშე წარდგებიან
- 3 პროკურორი ბაჩიაშვილის ქვეყნიდან წასვლაზე: „აუცილებლად დაიწყება გამოძიება“
- 4 რატომ შეხვდა აშშ-ის ელჩი „ქართული ოცნების“ საგარეო საქმეთა მინისტრს
- 5 კობახიძე: აქედანვე შემიძლია გითხრათ, რომ თვითმმართველობის არჩევნებს მოვიგებთ
- 6 საიამ არჩევნებზე ფარულობის მასობრივ დარღვევაზე სტრასბურგის სასამართლოს მიმართა
როგორც პოლიციელებმა განმარტეს, ჩხრეკა გადაუდებელი აუცილებლობით, სასამართლოს განჩინების გარეშე ჩატარდა. მათივე თქმით, კრიმინალური პოლიციის დეპარტამენტში საქმე სისხლის სამართლის კოდექსის 225-ე და 2391-ე მუხლებით არის აღძრული, რაც ჯგუფური ძალადობის ორგანიზებას, ხელმძღვანელობას ან მასში მონაწილეობას და ძალადობრივი ქმედებისაკენ საჯაროდ მოწოდებას გულისხმობს.
ილია ღლონტის სახლიდან მისი პირადი მობილური ტელეფონი და ლეპტოპი ამოიღეს.
„ეს არის ჩვეულებრივი, რიგითი ადამიანების მიმართ ძალადობა, დაშინება და ამას აკეთებენ იმისთვის, რომ მოქალაქეებმა შეწყვიტონ პროტესტის გამოხატვა“, - თქვა ილია ღლონტმა.
სოციალურ ქსელ Facebook-ში შექმნილი ჯგუფი „დაიტოვე“ 237 ათასამდე წევრს აერთიანებს. „დაიტოვეში“ მოქალაქეები აზიარებენ ინფორმაციას ქვეყანაში მიმდინარე საპროტესტო აქციების შესახებ, ერთმანეთს ეხმარებიან და სხვადახვა აქტივობას აორგანიზებენ.
გუშინ, 3 დეკემბერს, კრიმინალურმა პოლიციამ აქტივისტ დოდი ხარხელის პირადი ჩხრეკა ჩაატარა. მას ქუჩაში, შვილის საბავშვო ბაღში დატოვების შემდეგ დახვდნენ. პარალელურად ჩხრეკა მიმდინარეობდა აქტივისტის საცხოვრებელ ბინაში. ამ შემთხვევაში შსს-მ ჩხრეკის საბაბად რამდენიმე თვის წინ, დოდი ხარხელის ყოფილი მეუღლის უჩა აბაშიძის საქმეზე დაწყებული გამოძიება დაასახელა.
„ყველაფერი, რაც ახლა ხდება ქვეყანაში, არის დაკავშირებული იმ პროცესებთან, რაც ახლა მიდის ქუჩაში. ეს ყველაფერი ეხება იმ არაკანონიერ გადაწყვეტილებებს, რასაც იღებს ეს დე ფაქტო ხელისუფლება და ყველანაირად ცდილობს, შეინარჩუნოს თავისი სტატუსი და დააშინოს ყველა, ვინც საერთოდ ხმას იღებს“, - განაცხადა დოდი ხარხელმა საგამოძიებო მოქმედებების დასრულების შემდეგ.
