საქართველოს მთავრობის განკარგულების თანახმად, ფაშიზმზე გამარჯვების 78-ე წლისთავთან დაკავშირებით, მეორე მსოფლიო ომის მონაწილეები ერთჯერადად 1000 ლარს მიიღებენ. ვეტერანების საქმეთა სახელმწიფო სამსახურში განაცხადეს, რომ დღეს ქვეყანაში მეორე მსოფლიო ომის 114 მონაწილეა.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 პუტინის თქმით, საქართველოს ხელისუფლების სიმამაცით გაკვირვებულია
- 4 არალეგიტიმური პრემიერი შსს-ს მომიტინგეებზე სასტიკი ძალადობისთვის მადლობას უხდის
- 5 „ქართული ოცნების“ დე-ფაქტო მთავრობა არალეგიტიმურია - ჰელსინკის კომისია
- 6 სპეცრაზმი რუსთაველის გამზირზე აქციის მონაწილეებს არბევს
500-ლარიანი დახმარებაა გათვალისწინებული მეორე მსოფლიო ომში დაღუპულთა ოჯახის წევრებისთვის. ოჯახის წევრებში იგულისხმებიან მეორე მსოფლიო ომში დაღუპულის მეუღლე და ბავშვობიდან შეზღუდული შესაძლებლობის მქონე შვილი, რომლებიც ვეტერანების საქმეთა სახელმწიფო სამსახურის მონაცემთა ბაზაში არიან რეგისტრირებულნი.
ერთჯერადი ფულადი დახმარების გაცემას ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სოციალური მომსახურების სააგენტო უზრუნველყოფს, ხოლო თბილისში რეგისტრირებულთათვის - დედაქალაქის მერია. მთავრობის ადმინისტრაციის პრეს-სამსახური არ ავრცელებს ინფორმაციას, ჯამურად რა ოდენობის თანხაა გამოყოფილი. 1000 და 500-ლარიანი ერთჯერადი დახმარება გაიცემოდა გასული წლების განმავლობაშიც.
საქართველოში ფაშიზმზე გამარჯვების 78-ე წლისთავს ხვალ, 9 მაისს აღნიშნავს. მეორე მსოფლიო ომი, რომელიც 1939 წლიდან მიმდინარეობდა, 1945 წელს ვერმახტის, ნაცისტური გერმანიის შეიარაღებული ძალების, კაპიტულაციით დასრულდა. საომარი მდგომარეობა, ევროპაში, 1945 წლის 8 მაისს (მოსკოვის დროით 9 მაისს) შეწყდა, ხოლო აზიაში - 1945 წლის 2 სექტემბერს, იაპონიის კაპიტულაციის შემდეგ. ომს დაახლოებით 50 მილიონი ადამიანის სიცოცხლე შეეწირა.
ნაცისტურ გერმანიასა და საბჭოთა კავშირს შორის ომი 1941 წლის 22 ივნისიდან მიმდინარეობდა. საქართველოდან საბჭოთა ჯარში გაწვეული იყო 700 000-ზე მეტი მებრძოლი, მათგან 300 000-ზე მეტი ფრონტიდან ცოცხალი ვერ დაბრუნდა. მეორე მსოფლიო ომში ყოფილი საბჭოთა კავშირის რესპუბლიკებიდან საქართველომ პროცენტულად ყველაზე დიდი მსხვერპლი გაიღო.
