თბილისის საქალაქო სასამართლომ პატიმრობაში დატოვა ე.წ. „უცხოეთის აგენტების“ შესახებ რუსული კანონის საწინააღმდეგო აქციის მონაწილეები, 23 წლის საბა მეფარიშვილი და 19 წლის ომარ ოკრიბელაშვილი, რომლებსაც პროკურატურა პარლამენტთან პოლიციის მიერ დროებით განთავსებული რკინის ჯებირის ჯგუფურად დაზიანებას და სახელმწიფოსთვის 400 ლარის ოდენობის ზიანის მიყენებას ედავება. მოსამართლე ნათია გუდაძემ არ დააკმაყოფილა დაცვის მხარის შუამდგომლობა, ახალგაზრდებისთვის პატიმრობის გირაოთი შეცვლის თაობაზე.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
„ფაქტია, რომ პოლიტიკურია, მაგრამ ეს მთავრობა არ აღიარებს, რომ პოლიტიკური დანაშაულია. ეს სამართალია? ველოდით, რომ გაათავისუფლებდნენ. არ არის საკმარისი მტკიცებულება, რომ არ წარმოადგენენ საშიშროებასო. 19 წლის ბავშვი, თურმე, ყოფილა ამ ქვეყნის მტერი“, - უთხრა ჟურნალისტებს ომარ ოკრიბელაშვილის მამამ, გიორგი ოკრიბელაშვილმა.
პროკურორმა განაცხადა, რომ ბრალდებულებს აღკვეთის ღონისძიების სახით პატიმრობა შეფარდებული აქვთ ახალი დანაშაულის ჩადენისა და მიმალვის საფრთხის გამო. „ეს ორივე საფრთხე ძალაშია. ახალი არსებითი გარემოება, რომელიც კითხვის ნიშნის ქვეშ დააყენებდა სასამართლოს ამ მსჯელობას, სისხლის სამართლის საქმეში არ არსებობს“, - განაცხადა პროკურორმა.
საბა მეფარიშვილი და ომარ ოკრიბელაშვილი 16 მაისს დააკავეს. ბრალის დადგენილების მიხედვით, მათ 14 მაისს პარლამენტის შენობის მიმდებარე ტერიტორიაზე საპროტესტო აქციის დროს როგორც ფიზიკური ძალის, ასევე, ლითონის ძალაყინის გამოყენებით დააზიანეს შინაგან საქმეთა სამინისტროს კუთვნილი ლითონის კონსტრუქციის ბარიერი, რამაც „გამოიწვია 400 ლარის ოდენობით მნიშვნელოვანი მატერიალური ზიანი“. აქედან ფაქტობრივი ზიანი 250 ლარს შეადგენს, ხოლო 150 ლარი ხელობის ღირებულებაა.
დაკავებულებს ბრალი სისხლის სამართლის კოდექსის 187-ე მუხლის მე-2 ნაწილის „გ“ ქვეპუნქტით აქვთ წარდგენილი, რაც ჯგუფურად ნივთის დაზიანებას გულისხმობს. დანაშაული 3-დან 6 წლამდე თავისუფლების აღკვეთას ითვალისწინებს.
