საქართველოს პარლამენტში „ქართული ოცნების“ დეპუტატებს, გიორგი ამილახვარს და ირაკლი კოვზანაძეს გიორგი ჩაკვეტაძე და თენგიზ შარმანაშვილი შეცვლიან. ამილახვარი განათლებისა და მეცნიერის მინისტრად დაინიშნა, ირაკლი კოვზანაძემ კი დეპუტატის მანდატზე უარი თქვა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
გიორგი ჩაკვეტაძე 2021 წელს, ადგილობრივი თვითმმართველობის არჩევნების შედეგად, თბილისის საკრებულოს წევრი გახდა და დღემდე სპორტისა და ახალგაზრდულ საქმეთა კომისიის თავმჯდომარის თანამდებობას იკავებს. 2020 წლის საპარლამენტო არჩევნებისთვის ის მმართველი პარტიის პროპორციულ სიაში 65-ე იყო.
თენგიზ შარმანაშვილი საქართველოს მეოთხე მოწვევის (1995-1999 წლები) პარლამენტში „ეროვნულ-დემოკრატიულ პარტიას“ წარმოადგენდა. 2011-2016 წლებში იკავებდა სომხეთში საქართველოს საგანგებო და სრულუფლებიანი ელჩის თანამდებობას, 2016 წლიდან კი პარლამენტის თავმჯდომარის მრჩევლად მუშაობს.
პრემიერ-მინისტრმა ირაკლი ღარიბაშვილმა საქართველოს განათლებისა და მეცნიერების მინისტრად გიორგი ამილახვარი 20 მარტს წარადგინა. ამილახვარი 2022 წლიდან პარლამენტის განათლებისა და მეცნიერების კომიტეტის თავმჯდომარე იყო.
პარლამენტს დეპუტატის უფლებამოსილების ვადამდე შეწყვეტის თხოვნით მიმართა საფინანსო-საბიუჯეტო კომიტეტის თავმჯდომარე ირაკლი კოვზანაძემ, რომელმაც 7 მარტს, პლენარულ სხდომაზე, მხარი არ დაუჭირა „უცხოური გავლენის აგენტების“ შესახებ რუსული კანონპროექტის პირველი მოსმენით მიღებას. კოვზანაძე სხდომას არ ესწრებოდა. პარლამენტის თავმჯდომარის, შალვა პაპუაშვილის განცხადებით, ირაკლი კოვაზანაძის მიერ მანდატზე უარის თქმის გადაწყვეტილება „უცხოური გავლენის აგენტების შესახებ“ რუსულ კანონზე მიღებულ გადაწყვეტილებას არ უკავშირდება.
პარლამენტის წევრის უფლებამოსილების ვადამდე შეწყვეტა სურს „ქართული ოცნებიდან“ კიდევ ერთ დეპუტატს ვლადიმერ ჩაჩიბაიას. რუსული კანონის მიღებას მხარი არც მან დაუჭირა, მიუხედავად იმისა, რომ კენჭისყრას ესწრებოდა.
რამდენიმე დღეა ვრცელდება ინფორმაცია, რომ „ქართული ოცნება“ პარლამენტის წევრის მანდატის დატოვებას ითხოვს იმ დეპუტატებისგან, რომლებმაც რუსული კანონის მიღებას ხმა არ მისცეს. კოვზანაძისა და ჩაჩიბაიას გარდა, ასეთ დეპუტატებს შორის არიან ნინო იობაშვილი, დავით სერგეენკო, გიორგი ხელაშვილი და ელგუჯა გოცირიძე. რუსული კანონის მიღებას მხარი არ დაუჭირეს ირაკლი მეძმარიაშვილმა და ქეთევან დუმბაძემაც, თუმცა კენჭისყრიდან რამდენიმე საათში ორივემ თქვა, რომ კანონპროექტს ხმა მისცეს, მაგრამ ტექნიკური ხარვეზის გამო არასწორად აისახა.
