ახალი ამბები

„გადაღებაზე სადაც 13 ბავშვი მყავს და თავზე დავტრიალებთ, პოლიცია შემოვიდა და ჩხრეკს პავილიონს. ბავშვები მეკითხებიან, პოლიცია აქ რას აკეთებსო,  ვატყუებ, რომ მასობრივი სცენის მსახიობები არიან და ვიღებთ! მადლობა მთავრობას“, - წერს ნანუკა სიორიძე.

კომპანია „ლიმონის“ თანამშრომლების თქმით, პოლიციას მათთვის ჩხრეკის მიზეზი არ განუმარტავს, მხოლოდ ორდერი წარუდგინეს.

შპს „ლიმონს“ ვირტუალური წარმოების განვითარებისთვის საჭირო მოწყობილობების შესსაძენად დაფინანსება აშშ-ის საერთაშორისო განვითარების სააგენტოსგან (USAID)  აქვს მიღებული.

შინაგან საქმეთა სამინისტროს განცხადებით, გიორგი ოკმელაშვილმა 13 მაისს, თბილისში, პარლამენტთან გამართულ საპროტესტო აქციაზე, ფიზიკური შეურაცხყოფა მიაყენა შინაგან საქმეთა სამინისტროს თანამშრომლებს. კერძოდ, აქციის მიმდინარეობისას, დაკავებულმა იდაყვისა და მუშტის დარტყმით პოლიციის თანამშრომლებს სახის არეში დაზიანებები მიაყენა.

„გამოძიება სისხლის სამართლის კოდექსის 353-ე პრიმა მუხლის პირველი ნაწილით მიმდინარეობს, რაც სამსახურებრივი საქმიანობის შესრულების დროს პოლიციელზე თავდასხმას გულისხმობს. დანაშაული 7 წლამდე ვადით თავისუფლების აღკვეთას ითვალისწინებს“, - ნათქვამია შსს-ს განცხადებაში.

გავრცელებული ინფორმაციით, პოლიცია შევიდა სააგენტოებში „ედბლექსი“, „ოგილვი“, „ჰოლი მოტორსი“, „ბეთერფლაი“, „ედ გიქს“.

2 მაისს, შემოქმედებითი ინდუსტრიის წარმომადგენლებმა ბოიკოტი გამოუცხადეს ყველა იმ ბიზნესმენს და მათ დაფუძნებულ ყველა იმ კომპანიას, რომლებმაც რუსულ კანონს მხარი დაუჭირეს. ეს კომპანიებია: არქი, CELFIE, Wissol, Wendy’s, Dunkin’, Smart, Subway, ჯორჯიან მანგანეზი, მილდიანი, აიჯი დეველოპმენტი, VR ჰოლდინგი, KTW, თეთრი კვადრატი, ანაგი, ორბი.

„ჩვენ არ ვითანამშრომლებთ ამ ბრენდებთან. ჩვენი რესურსი არ მოხმარდება კოლაბორაციონისტ ბიზნესმენებს და მათ კომპანიებს“, - აღნიშნულია სააგენტოების ერთობლივ განცხადებაში, რომელსაც ხელს აწერენ: ADHD, ABK, Betterfly, Enkeny Films, JWT Metro, Leavingstone, Maverik, Playmakers, Redberry, Socialsharks, Q&A, Quick, Watergunz, Windfor’s.