საგარეო საქმეთა და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა, ჟოზეფ ბორელმა განაცხადა, რომ საქართველოს საგარეო საქმეთა მინისტრ ილია დარჩიაშვილთან შეხვედრისას რეფორმების საჭიროებაზე ისაუბრეს.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
„საგარეო საქმეთა მინისტრთან გვქონდა ლანჩი, რათა გვემსჯელა ისტორიულ შესაძლებლობაზე, საქართველოს ევროპული პერსპექტივის თვალსაზრისით და ასევე მათი [საქართველოს] დემოკრატიის გაძლიერების საჭიროებაზე.
ჩვენ დავადასტურეთ, რომ საქართველომ მიაღწია მნიშვნელოვან პროგრესს და მეტი რეფორმები სჭირდება, რადგან წლის ბოლოს განხილული იქნება კანდიდატის სტატუსის მინიჭების საკითხი. მოვუწოდეთ მინისტრ დარჩიაშვილს პოზიტიური სიგნალები გაუგზავნოს ბრიუსელს და წევრ სახელმწიფოებს გაწევრიანების პროცესთან დაკავშირებული პრიორიტეტების შესრულებისას“, - თქვა ბორელმა.
24 აპრილს, ლუქსემბურგში, ილია დარჩიაშვილი ევროკავშირის წევრი ქვეყნების საგარეო საქმეთა მინისტრებთან გამართულ შეხვედრას დაესწრო. როგორც მან მედიასთან განაცხადა, საქართველოს მიერ გატარებული რეფორმების ეფექტიანობაზე იმსჯელეს.
„ამ შეხვედრაზე მოგვეცა შესაძლებლობა, გვესაუბრა საქართველოს ურყევ გზაზე ევროინტეგრაციის მიმართულებით, ჩვენს ვალდებულებებზე, ძალისხმევაზე, იმ გატარებულ რეფორმებზე, რომელიც ქვეყანამ გაატარა. რა თქმა უნდა, აქცენტი გავაკეთეთ 12 რეკომენდაციაზე, რომელიც ერთ-ერთი ყველაზე მთავარი საკითხია დღეს ჩვენი ევროპული ინტეგრაციის მიმართულებით. ჩვენ მთავარი გზავნილი მივიღეთ ჩვენი პარტნიორებისგან, რომ თითქმის ყველა მხარს უჭერს საქართველოს ევროპულ ინტეგრაციას, საქართველოს ევროპულ მომავალს, ჩვენს საერთო თანაცხოვრებას ევროპულ ოჯახში და ეს ჩვენთვის განსაკუთრებით მნიშვნელოვანია“, - განაცხადა ილია დარჩიაშვილმა და აღნიშნა, რომ მთავრობა გააგრძელებს ძალისხმევას, რომ საქართველო კიდევ უფრო დაუახლოვდეს ევროკავშირს.
2022 წლის 23 ივნისს, ევროკავშირის 27 წევრი ქვეყნის გადაწყვეტილებით, უკრაინას და მოლდოვას ევროკავშირის წევრობის კანდიდატი ქვეყნის სტატუსი მიენიჭათ, საქართველოს კი ევროპული პერსპექტივა. ევროკომისიამ საქართველოს შესასრულებლად 12 რეკომენდაცია განუსაზღვრა, რომელთა შორის არის დეოლიგარქიზაცია, პოლიტიკური პოლარიზაციის მოგვარება, სასამართლო რეფორმის გატარება, ანტიკორუფციული სამსახურის გაძლიერება და მედიაგარემოს გაუმჯობესება. ევროკომისია საქართველოს მიერ რეკომენდაციების შესრულების შესახებ შეფასებას 2023 წლის შემოდგომაზე მოამზადებს და რეკომენდაციით მიმართავს ევროპულ საბჭოს, რომელიც სტატუსის შესახებ საბოლოო გადაწყვეტილების მიმღები ორგანოა.
ამ თემაზე:
ევროკომისიის 12 პირობიდან სრულად მხოლოდ ერთია შესრულებული - არასამთავრობოები
