ამერიკის შეერთებული შტატების ვიცე-პრეზიდენტი კამალა ჰარისი წუხილს გამოთქვამს საქართველოს პარლამენტის მიერ ე.წ. „უცხოეური აგენტების“ შესახებ რუსული კანონის მიღების გამო და პრეზიდენტის ვეტოს მიესალმება.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
ამის შესახებ კამალა ჰარისი წერს საქართველოს პრეზიდენტ სალომე ზურაბიშვილისთვის გამოგზავნილ წერილში. ის რუსულ კანონს უწოდებს „ანტიდემოკრატიულ ინიციატივას“, რომელიც ძირს გამოუთხრის საქართველოს ურთიერთობებს აშშ-სთან და ევროპასთან.
„პრეზიდენტი ბაიდენი და მე დიდი შეშფოთებით ვადევნებთ თვალს საქართველოში განვითარებულ მოვლენებს. ჩვენ ვწუხვართ მოვლენების ისეთ განვითარებაზე, როგორიცაა ბოლო პერიოდში საქართველოს პარლამენტის მიერ უცხოელი აგენტების შესახებ კანონპროექტის მიღება, რომელმაც შეიძლება საფრთხე შეუქმნას საქართველოს დემოკრატიას და ძირი გამოუთხაროს საქართველოს ურთიერთობას შეერთებულ შტატებთან და ევროპასთან. ჩვენ მივესალმებით თქვენს ბოლოდროინდელ ქმედებებს, რომ ვეტო დაადეთ ამ ანტიდემოკრატიულ ინიციატივას და ერთგულად იცავთ სამოქალაქო საზოგადოებას, რომელიც საქართველოში საფრთხის ქვეშ არის. ჩვენ ვაფასებთ თქვენს ლიდერობასა და ძალისხმევას, დაიცვათ სამოქალაქო საზოგადოება საქართველოში. თქვენს ძალისხმევას კვლავ ექნება არსებითი მნიშვნელობა, რადგან ქართველ ხალხს თქვენი იმედი აქვს, რომ დაიცავთ დემოკრატიასა და საქართველოს ევროატლანტიკურ მომავალს. შეერთებული შტატები თქვენი და ყველა ქართველის გვერდით დგას უკეთესი მომავლისკენ სწრაფვაში,“ - აღნიშნულია აშშ-ის ვიცე-პრეზიდენტის წერილში.
პარლამენტის იურიდიულ საკითხთა კომიტეტმა რუსულ კანონზე პრეზიდენტის ვეტოს დაძლია და კანონპროექტი მესამე მოსმენით მიღებული რედაქციით დაამტკიცა. ხვალ, 28 მაისს, საკითხს კენჭი პლენარულ სხდომაზე ეყრება. „ქართული ოცნება“ არ აპირებს კანონის უკან გაწვევის შესახებ არც ვენეციის კომისიის მტკიცე რეკომენდაციის და არც საერთაშორისო პარტნიორების მოწოდებების გათვალისწინებას.
ამ ფონზე, რუსული კანონის მიღებითა და საგარეო კურსის შეცვლით ქვეყანაში შექმნილ ვითარებასთან დაკავშირებით, სალომე ზურაბიშვილმა სამოქმედო გეგმა წარადგინა და პოლიტიკურ პარტიებს „ქართული ქარტიის“ ირგვლივ გაერთიანება შესთავაზა. დოკუმენტი საპარლამენტო არჩევნების შემდეგ გადასადგმელ ნაბიჯებს აერთიანებს და რუსული კანონის გაუქმებასაც ითვალისწინებს.
