პროკურატურამ დააკმაყოფილა უფლებადამცველი ორგანიაზაცია „პარტნიორობა ადამიანის უფლებებისთვის“ (PHR) მოთხოვნა და შოვში მომხდარი სტიქიის დროს დაღუპული 25 წლის დავით ბერიაშვილის დედა დაზარალებულის უფლებამონაცვლედ ცნო. ორგანიზაციის განცხადებით, ამ გადაწყვეტილებით პროკურატურამ დაადგინა, რომ დავით ბერიაშვლის გარდაცვალება დანაშაულის შედეგია.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 5 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
„ჩვენ ვითხოვდით, რომ ეს ყოფილიყო სამოხელეო დანაშაულის ფარგლებში შეფასებული, რომ სამსახურებრივი გულგრილობის შედეგად იყო დამდგარი ეს შედეგი, თუმცა, არ გაითვალისწინა პროკურატურამ და გაუფრთხილებლობით სიცოცხლის მოსპობის ნაწილში გვაღიარა დაზარალებულის უფლებამონაცვლედ. ცხადია, დავას გავაგრძელებთ“, - ამბობს „პარტნიორობა ადამიანის უფლებებისთვის“ იურისტი ანა თავხელიძე.
ამასთან, პროკურატურა დაზარალებულის უფლებამონაცვლის წარმომადგენლებს უარს ეუბნება სისხლის სამართლის საქმის მასალების გადაცემაზე, რისი მოთხოვნის უფლებაც მათ კანონით აქვთ: „გვეუბნებიან, ადგილზე გაგაცნობთო. როგორ წარმოგიდგენიათ, ასეთი მოცულობითი საქმე რამდენხანს უნდა ვიკითხოთ, რომ საჭირო ინფორმაცია გავიგოთ, დავიმახსოვროთ, გავაანალიზოთ?!“, - აღნიშნავს იურისტი.
შოვშვი მომხდარ ტრაგედიასთან დაკავშირებით გამოძიება სისხლის სამართლის კოდექსის ორი, 116-ე და 240-ე მუხლებით მიმდინარეობს, რაც გაუფრთხილებლობით სიცოცხლის მოსპობას და სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.
დავით ბერიაშვილი, რომელიც სიღნაღის მუნიციპალიტეტიდან, წნორიდან იყო, შოვში მეგობრებთან ერთად, და-ძმა სოფი და გიორგი ყარალაშვილებთან ერთად ისვენებდა. სტიქიის შედეგად სამივე დაიღუპა.
3 აგვისტოს, რაჭაში, ბუბას მთიდან მოვარდნილმა ღვარცოფმა კურორტი შოვი თითქმის მთლიანად გაანადგურა. სამაშველო ოპერაცია 3 საათის დაგვიანებით დაიწყო, დაღამებისთანავე კი მფრინავებმა ოპერაციაში მონაწილეობა შეწყვიტეს იმ მიზეზით, რომ ვერტმფრენს ღამით უსაფრთხოდ ფრენა არ შეეძლო. 3-4 აგვისტოს სტიქიის ზონიდან 210 ადამიანი გამოიყვანეს. ბოლო ინფორმაციით, ნაპოვნია 27 ცხედარი და ასევე, ადამიანის სხეულის ფრაგმენტები. ჯერ კიდევ ეძებენ 6 დაკარგულს.
ხელისუფლების წარმომადგენლები აცხადებენ, რომ მომხდარის თავიდან აცილება შეუძლებელი იყო, რასაც დამოუკიდებელი ექსპერტები არ ეთანხმებიან.
