პარლამენტის საპროცედურო საკითხთა და წესების კომიტეტის თავმჯდომარის, ირაკლი ქადაგიშვილის განცხადებით, შინაგან საქმეთა მინისტრი პარლამენტში მივა და შოვის ტრაგედიასთან დაკავშირებით ოპოზიციის კითხვებს ამომწურავ პასუხს გასცემს. ვახტანგ გომელაური ინტერპელაციის წესით პარლამენტში „ერთიანმა ნაციონალური მოძრაობამ“ დაიბარა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 5 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
„ჩემი აზრით, არასწორად აქვთ ეს ინტერპელაცია შედგენილი, რადგან ინტერპელაციის დროს არა კონკრეტული ფაქტის გარშემო ისმება კითხვა, არამედ იმის გარშემო, თუ როგორ ახორციელებს ამა თუ იმ საკითხთან დაკავშირებით პოლიტიკას ესა თუ ის სახელმწიფო უწყება, მაგრამ ამას რომ თავი დავანებოთ, რა თქმა უნდა, მინისტრი მოვა ინტერპელაციაზე და ყველა საკითხზე ამომწურავ პასუხს გასცემს.
თუმცა, უნდა ითქვას ისიც, რომ ყველა ამ საკითხთან დაკავშირებით საზოგადოებას ხელისუფლების მხრიდან უკვე აქვს ამომწურავი პასუხები გაცემული“, - აღნიშნა ირაკლი ქადაგიშვილმა.
„ერთიანმა ნაციონალურმა მოძრაობამ“ შინაგან საქმეთა მინისტრ ვახტანგ გომელაურს 5 კითხვით მიმართა:
- რატომ არ მოხდა ადრეული გაფრთხილების SMS სისტემის დანერგვა, რის შესახებაც მან 2021 წელს, შს სამინისტროს ათწლიანი გეგმის წარდგენისას ისაუბრა?
- რა გახდა შოვში სამძებრო-სამაშველო ოპერაციის დაგვიანების მიზეზი?
- რატომ ვერ დაინახა ხელისუფლებამ მეზობელი სახელმწიფოებისთვის დახმარების თხოვნის აუცილებლობა?
- რა მდგომარეობაშია შსს-ს საგანგებო სიტუაციების მართვის სამსახურის სამაშველო აღჭურვილობა და რამდენად თავსებადია საერთაშორისო სტანდარტებთან?
- რა გარემოებებზე დაყრდნობით თქვა უარი სახელმწიფომ ორი სამძებრო-სამაშველო ვერტმფრენის გრანტის წესით შესყიდვაზე? რა იყო სამინისტროს ოფიციალური პოზიცია?
3 აგვისტოს, რაჭაში, ბუბას მთიდან მოვარდნილმა ღვარცოფმა კურორტი შოვი თითქმის მთლიანად გაანადგურა. სამაშველო ოპერაცია 3 საათის დაგვიანებით დაიწყო, დაღამებისთანავე კი მფრინავებმა ოპერაციაში მონაწილეობა შეწყვიტეს იმ მიზეზით, რომ ვერტმფრენს ღამით უსაფრთხოდ ფრენა არ შეეძლო.
ბოლო მონაცემებით, სტიქიას 26 ადამიანი ემსხვერპლა, 7 დაკარგულს კიდევ ეძებენ.
შინაგან საქმეთა მინისტრი შოვში სტიქიიდან მე-11 დღეს, 13 აგვისტოს ჩავიდა. როგორც მან ჟურნალისტებთან საუბრისას განაცხადა, სამინისტროს აქვს ღამის ფრენის საშუალებები და ვერტმფრენებს ფრენა შეუძლიათ, თუმცა „თუ მართლა ადამიანის სიცოცხლეს არ ემუქრება იმ წამს რაღაც რომ გარისკონ პილოტებმაც, არ არის მიზანშეწონილი, არ არის დაშვებული“. ჟურნალისტის დამაზუსტებელ შეკითხვაზე, ვერტმფრენები სრულად არის აღჭურვილი და მხოლოდ ღამე იყო თუ არა პრობლემა, გომელაურმა უპასუხა: „კი ბატონო. ვერტმფრენს შეუძლია ფრენა, აფრენა“.
