11 მაისს, ევროპის დღეს, რუსული კანონის წინააღმდეგ თბილისში მასშტაბური მანიფესტაციის გამართვა იგეგმება. ამის შესახებ გუშინდელ აქციაზე გამოსვლისას აღმოსავლეთ ევროპის მრავალპარტიული დემოკრატიის ცენტრის დირექტორმა, ლევან ცუცქირიძემ განაცხადა.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
„მინდა, რომ დაიმახსოვროთ ეს თარიღი - 11 მაისს ყველამ ერთად მოვაწყოთ ძალიან დიდი მანიფესტაცია. დიდი, მშვიდობიანი, ძლიერი, თავდაჯერებული მანიფესტაცია. ჩაინიშნეთ კალენდრებში. შეიძლება ვიღაცას იცნობთ, ვინც არ მოდის ხოლმე აქ და აი, 11 მაისამდე, ყველამ ავიღოთ ეს დავალება, რომ ადამიანები, რომლებიც აქ ჯერ კიდევ არ ყოფილან, ჩვენთან ერთად მოვიყვანოთ“, - თქვა ცუცქირიძემ.
რეპრესიული რუსული კანონის წინააღმდეგ მრავალათასიანი აქციები, დარბევის და დაკავებების მიუხედავად, თბილისში, 15 აპრილიდან, ყოველდღე იმართება. ტრადიციულად, რუსთაველის გამზირი მთავარი ადგილია, სადაც დემონსტრანტები იკრიბებიან, თუმცა ბოლო დღეებში, ახალგაზრდებმა გმირთა მოედანზეც გადაინაცვლეს და ქალაქის მთავარი სატრანსპორტო კვანძის გადაკეტვით ცდილობენ ხელისუფლებას რუსული კანონის უკან გაწვევა აიძულონ.
„ქართული ოცნების“ მიერ ერთი თვის წინ დარეგისტრირებული რუსული კანონი პარლამენტს უკვე ორი მოსმენით აქვს მიღებული. ევროკავშირისა და ამერიკის შეერთებული შტატების მოწოდებების მიუხედავად, მმართველ პარტიაში აცხადებენ, რომ უკან არ დაიხევენ.
კანონის მესამე და საბოლოო მოსმენით მიღება 13 მაისის კვირაშია დაგეგმილი. მანამდე, 7, 8 და 10 მაისი, მთავრობამ უქმეებად გამოაცხადა. ოპოზიციაში მიიჩნევენ, რომ „სამაისო არდადეგების“ შემოღება რუსული კანონის წინააღმდეგ პროტესტის შესუსტებას ემსახურება.
„ქართულმა ოცნებამ“, 2024 წლის 3 აპრილს, პარლამენტში ხელმეორედ დააინიცირა ე.წ. „უცხოეთის აგენტების“ შესახებ რუსული კანონი, რომელიც ერთი წლის წინ, მრავალათასიანი საპროტესტო აქციების შედეგად უკან გაიწვია და პირობა დადო, რომ მას აღარასდროს მიიღებდა. რუსული კანონი უცხოეთის აგენტებად რეგისტრაციას ავალდებულებს დამოუკიდებელ მედიას და არასამთავრობოებს, რომლებიც საერთაშორისო ფონდების საგრანტო მხარდაჭერით მუშაობენ და ხელისუფლება ან მასთან დაკავშირებული ჯგუფები ვერ აკონტროლებენ. 150-ზე მეტმა არასამთავრობო და მედიაორგანიზაციამ უკვე განაცხადა, რომ „ღირსების შემლახავ რეესტრში“არავითარ შემთხვევაში არ დარეგისტრირდებიან.
