2023 წლის პირველი იანვრიდან, ექიმების მინიმალური ანაზღაურება საათში შვიდი ლარით, თვეში საშუალოდ 1 260 ლარით განისაზღვრება, ხოლო ექთნების საათში 4.4 ლარით, თვეში საშუალოდ 792 ლარით.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
„ეს მექანიზმი მნიშვნელოვანია იმისთვის, რომ საყოველთაო ჯანდაცვის პროგრამის ფარგლებში ექიმებისთვის და ექთნებისთვის დაწესდეს მინიმალური ანაზღაურება, რაც შექმნის მათთვის ღირსეული ანაზღაურების, ასევე, სამუშაოს შესრულების მოტივაციის და გარკვეულწილად შრომითი დაცულობის გარანტიებს“, - განაცხადა ჯანდაცვის მინისტრის მოადგილე თამარ გაბუნიამ, დღეს, სამედიცინო სექტორის წარმომადგენლებთან შეხვედრისას.
სასწრაფო სამედიცინო დახმარების სამსახურის ექიმები, ექთნები და მძღოლები ხელფასების 100%-ით გაზრდის მოთხოვნით აქციებს პერიოდულად მართავენ. მათი განცხადებით, კორონავირუსის პანდემიის დაწყების შემდეგ სახელფასო დანამატი ერიცხებოდათ, თუმცა აპრილიდან, მას შემდეგ, რაც კორონავირუსის შემთხვევებმა იკლო, დანამატი მოეხსნათ.
17 ნოემბერს, ფინანსთა მინისტრმა ლაშა ხუციშვილმა თქვა, რომ 2023 წლის ბიუჯეტის პროექტში საჯარო სექტორში საბაზო ხელფასის 10%-იანი ზრდა არის გათვალისწინებული.
ჯანდაცვის სამინისტროს განმარტებით, ამჟამად 9 ათასამდე ექიმი იღებს მინიმალურ ანაზღაურებაზე ნაკლებ ხელფასს და ექთნების შემთხვევაში ეს რაოდენობა დაახლოებით 8 ათასზე მეტია.
სამინისტრო აცხადებს, რომ მინიმალური საათობრივი ანაზღაურება წლების განმავლობაში მზარდი იქნება და 2025 წლისთვის ექიმისთვის 9 ლარით, ხოლო ექთნისთვის - 5,6 ლარით განისაზღვრება.
