საპარლამენტო არჩევნების წინ, მთავრობა პარლამენტში წარადგენს საკანონმდებლო ინიციატივას, რომელიც კოვიდ პანდემიის დროს არსებული რეგულაციების დარღვევის გამო დაკისრებული ჯარიმების ჩამოწერას ითვალისწინებს. ჯარიმისგან გათავისუფლდება 1855 ფიზიკური და 38 იურიდიული პირი. თანხის ჯამური მოცულობა 5 მლნ 596 ათასი ლარია.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
„იმ ფონზე, როდესაც გადავლილია პანდემიური პერიოდი და ამ წესებმა, პრაქტიკულად, დაკარგა მნიშვნელობა და ფუნქცია, რელევანტურია სახელმწიფოს მხრიდან ამგვარი შეღავათის გათვალისწინება. ვფიქრობ, ეს ყოველმხრივ გამართლებულია“, - განაცხადა მთავრობის სხდომის შემდეგ ჯანმრთელობის და სოციალური დაცვის მინისტრმა, მიხეილ სარჯველაძემ.
მთავრობა კანონპროექტის დაჩქარებული წესით განხილვას მოითხოვს.
29 მაისს პარლამენტმა უკვე დაამტკიცა საგადასახადო კოდექსში ცვლილებები, რის შედეგადაც, ფიზიკურ პირებს 2021 წლის პირველ იანვრამდე დარიცხული საგადასახადო დავალიანება და საურავი ჩამოეწერებათ. ცვლილება 145 842 გადასახადის გადამხდელს შეეხება, ჯამურად ჩამოწერილი თანხა კი დაახლოებით 591 458 571 ლარს შეადგენს.
„ქართული ოცნების“ ხელისუფლებამ ვალები 2018 წლის საპრეზიდენტო არჩევნებისთვისაც გაანულა. მეორე ტურის წინ, 600 000 მოქალაქეს, ვისაც ბანკების, ონლაინ საკრედიტო ორგანიზაციების თუ სხვადასხვა საფინანსო ინსტიტუტის მიმართ ფინანსური ვალდებულებები ჰქონდა, ე.წ. შავი სიიდან ამოღებასა და დავალიანების განულებას დაპირდნენ.
საქართველოს პარლამენტის არჩევნები 2024 წლის 26 ოქტომბერს გაიმართება.
