ამერიკის შეერთებულ შტატებში საქართველოსთვის განიხილავენ ეკონომიკური და უსაფრთხოების მხარდაჭერის ყოვლისმომცველ პაკეტს, თუ მთავრობა უარს იტყვის მზარდ ანტიდასავლურ რიტორიკაზე და შეაჩერებს ადამიანის უფლებათა კუთხით უკუსვლას. ამის შესახებ გამოცემა Politico წერს.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
სამხრეთ კაროლინას რესპუბლიკელი კონგრესმენის, წარმომადგენელთა პალატის საგარეო ურთიერთობათა კომიტეტის წევრისა და ჰელსინკის კომისიის თავმჯდომარის, ჯო უილსონის მიერ კონგრესში ამ კვირაში წარდგენილი კანონპროექტის სახელია „MEGOBARI Act“ (აქტი ანგარიშვალდებულების, მედეგობისა და დამოუკიდებლობის ასაშენებლად საქართველოს შესაძლებლობების მობილიზებისა და გაძლიერების შესახებ).
„ჩვენ ქართველი ხალხის გვერდით ვდგავართ“, - წერს ჰელსინკის კომისია სოციალურ ქსელ X-ში.
კანონპროექტის პირობების მიხედვით, აშშ დაიწყებს მოლაპარაკებებს საქართველოსთან „მყარი შეღავათიანი სავაჭრო რეჟიმის“ გასახსნელად, თუ ქვეყანა ძირითად პოლიტიკურ კრიტერიუმებს დააკმაყოფილებს.
ამერიკულ ბაზრებზე ხელმისაწვდომობის გაუმჯობესებასთან ერთად, კანონპროექტი ითვალისწინებს საქართველოს მოქალაქეებისთვის სავიზო რეჟიმის ლიბერალიზაციასაც.
ის ასევე ავალდებულებს ოფიციალურ პირებს საქართველოსთვის შეიმუშაონ სამხედრო მხარდაჭერის პაკეტი, რაც მოიცავს „უსაფრთხოებისა და თავდაცვითი აღჭურვილობის უზრუნველყოფას, რომელიც იდეალურია რუსეთის აგრესიისგან ტერიტორიული თავდაცვისთვის და თანმდევ წვრთნებს, ტექნიკურ უზრუნველყოფასა და ოპერაციების მხარდაჭერის ელემენტებს“.
თუმცა, პროგრამა გააქტიურდება მხოლოდ იმ შემთხვევაში, თუ აშშ დაადასტურებს, რომ „საქართველომ აჩვენა მნიშვნელოვანი და მდგრადი პროგრესი დემოკრატიის გაძლიერების კუთხით, რაზეც მოწმობს სულ მცირე არსებითად სამართლიანი და თავისუფალი არჩევნები, დაბალანსებული წინასაარჩევნო გარემო“.
ჯო უილსონი საქართველოში მიმდინარე მოვლენებზე საპასუხოდ მეორე კანონპროექტსაც წარადგენს, რომელიც ითვალისწინებს სანქციების დაწესებას საქართველოს მთავრობის წარმომადგენლებისა და სხვა პირების წინააღმდეგ, რომლებსაც „აკისრიათ მატერიალური პასუხისმგებლობა საქართველოში დემოკრატიის, ადამიანის უფლებების ან უსაფრთხოების შელახვის ან დაზიანებისთვის“. Politico-ს ცნობით, კანონპროექტი მოიცავს სავიზო აკრძალვის დაწესებას „რუსული ტიპის უცხოეთის აგენტების კანონის“ მიღებაზე პასუხისმგებელი პოლიტიკოსებისა და მათ ოჯახებისთვის. სანქციების სამიზნეები იქნებიან სამართალდამცავი ორგანოებისა და უშიშროების სამსახურების თანამშრომლებიც.
