დღეს, 5 აგვისტოს, ამ დროისთვის არსებული ინფორმაციით, შოვში ოთხი ადამიანის ცხედარი იპოვეს. ორი გარდაცვლილი მაშველებმა უკვე ამოიყვანეს. მათ ქუთაისის პროზექტურაში გადაასვენებენ, სადაც ცხედრების იდენტიფიცირება მიმდინარეობს.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 5 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
ბოლო მონაცემებით, სტიქიის შედეგად 15 ადამიანი დაიღუპა. მათგან 11-ის ცხედარი სტიქიის ზონაში 3 და 4 აგვისტოს იპოვეს. მთავრობის ადმინისტრაციის რეგიონებთან ურთიერთობის დეპარტამენტის ხელმძღვანელმა, ლერი ბარნაბიშვილმა დილით განაცხადა, რომ ამოცნობილი იყო 6-ის ვინაობა. „სამწუხაროდ, ისეთ გარემოში იქნა აღმოჩენილი ცხედრები, რომ ისინი დაზიანებულია. ამიტომ აღებული იქნება დნმ-ის ანალიზიც და შესაბამისად, ჩატარდება ყველა პროცედურა მათ ამოსაცნობად“, - აღნიშნა ბარნაბიშვილმა.
ცნობილია, რომ ერთ-ერთი ცხედარი ალინა პოლიკოვსკასია, რომელიც შოვში მეუღლესთან, ზაზა მესხთან და სამ მცირეწლოვან ბავშვთან ერთად იმყოფებოდა. ოჯახის დანარჩენი წევრები კვლავ დაკარგულად მიიჩნევიან.
გარდაცვლილთა შორის ამოცნობილია ნინო კენჭაძეც. ის კორორტზე მეგობრებთან, სალომე ხეთაგურთან და გვანცა ბუბაშვილთან ერთად ისვენებდა. გოგონებს ამ დრომდე ეძებენ.
ამ დროისთვის უცნობია დაახლოებით 20 ადამიანის ადგილსამყოფელი. მათ შორის ბავშვებიც არიან.
შოვის ტერიტორიაზე სტიქიური პროცესები 3 აგვისტოს, დაახლოებით 15:15 საათზე განვითარდა. ღვარცოფმა მთლიანად გაანადგურა კურორტზე არსებული კოტეჯები, დააზიანა სასტუმროები, წაიღო ავტომობილები და შოვამდე მისასვლელი ერთადერთ სამანქანო გზაზე ხიდები დაანგრია. მაშველებმა სტიქიის ზონაში შესვლა 3 საათის შემდეგ, მხოლოდ სასაზღვრო პოლიციის ვერტმფრენებით მოახერხეს. 3 და 4 აგვისტოს, ვერტმფრენებით უსაფრთხო ადგილას 210 ადამიანი გამოიყვანეს.
ადგილობრივების ინფორმაციით, სტიქიამდე ორი დღით ადრე, ბუბას მთაზე მეწყერი ჩამოვიდა, რის შედეგადაც მდინარე ბუბისწყლის ხეობაში დიდი რაოდენობით წყალი დაგუბდა, 3 აგვისტოს კი, წყალმა გამოხეთქა და ღვარცოფი გამოიწვია.
