ევროკომისია ევროკავშირში უვიზოდ მიმოსვლის რეჟიმის მონიტორინგის გაძლიერებასა და უვიზო რეჟიმის შეჩერების მექანიზმის გადახედვაზე იწყებს მუშაობას.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
ევროკომისიის განცხადებით, უვიზო მიმოსვლას მნიშვნელოვანი ეკონომიკური, სოციალური და კულტურული სარგებელი მოაქვს ევროკავშირის წევრი სახელმწიფოებისა და მესამე ქვეყნებისთვის. ამავე დროს, გასულმა წლებმა აჩვენა, რომ უვიზო მიმოსვლიდან შეიძლება გამომდინარეობდეს მიგრაციის და უსაფრთხოების მნიშვნელოვანი გამოწვევები.
„ევროკავშირის სავიზო პოლიტიკასთან არასაკმარისმა თავსებადობამ შეიძლება უვიზო რეჟიმის მქონე ქვეყანა გადააქციოს ევროკავშირში არალეგალური შესვლების სატრანზიტო კერად“, - აცხადებენ ევროკომისიაში.
მათი განმარტებით, ინვესტორებისთვის მოქალაქეობის მინიჭების სქემა, რომელსაც ევროკავშირთან უვიზო რეჟიმის მქონე მესამე ქვეყნებში იყენებენ, ევროკავშირისთვის უსაფრთხოების, მათ შორის, ორგანიზებული დანაშაულის, ფულის გათეთრების, გადასახადებისგან თავის არიდებისა და კორუფციის რისკებს ქმნის.
„ეს [ინვესტორებისთვის მოქალაქეობის მინიჭება] ევროკავშირის არა მოქალაქე პირებს შესაძლებლობას აძლევს, მიიღონ უვიზო რეჟიმის მქონე ქვეყნის მოქალაქეობა და ევროკავშირში ვიზის გარეშე შევიდნენ“, - აღნიშნავს ევროკომისია.
ამიტომ მიაჩნიათ, რომ ამ გამოწვევების გადასაჭრელად და რისკების ეფექტურად თავიდან ასაცილებლად, ხელახლა უნდა შეფასდეს და გაუმჯობესდეს არსებული წესები. ევროკომისია საკითხზე ევროპარლამენტთან და ევროსაბჭოსთან ერთად იმსჯელებს, რის შემდეგაც, 2023 წლის შემოდგომაზე, უვიზო რეჟიმის შეჩერების მექანიზმის გადახედვის შესახებ საკანონმდებლო წინადადებას წარადგენს.
ამჟამად ევროკავშირს უვიზო რეჟიმი ევროკავშირის არაწევრ 61 ქვეყანასთან აქვს, მათ შორის არის საქართველოც.
უვიზო რეჟიმის შეჩერების მექანიზმი ითვალისწინებს ქვეყნებთან სავიზო რეჟიმის დროებით აღდგენას არალეგალური მიგრაციის ან უსაფრთხოების რისკების უეცარი და არსებითი ზრდის შემთხვევაში.
