ამერიკის შეერთებული შტატების სახელმწიფო მდივნის, ენტონი ბლინკენის განცხადებით, ე.წ. „უცხოეთის აგენტების“ შესახებ კანონი, რომელიც „ქართულმა ოცნებამ“ მიიღო, „პირდაპირ მოსკოვის სახელმძღვანელოდან“ არის გადმოტანილი. ბლინკენმა რუსული კანონი წარმომადგენელთა პალატის საგარეო საქმეთა კომიტეტში გამართული განხილვის დროს შეაფასა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
„ჩვენ ძალიან შეშფოთებულნი ვართ „უცხოეთის აგენტების“ შესახებ კანონით, რომელიც მიიღეს. ვფიქრობ, ეს პირდაპირ მოსკოვის სახელმძღვანელოდანაა, სამწუხაროდ. აშკარად ეწინააღმდეგება ქართველების აბსოლუტური უმრავლესობის სურვილს, იარონ ევროკავშირისკენ და ევროკავშირში ინტეგრაციისკენ.
ასე რომ, ჩვენ ძალიან ყურადღებით განვიხილავთ, რისი გაკეთება შეგვიძლია ამის საპასუხოდ და მაქვს მოლოდინი, რომ ზომებს მივიღებთ. ევროკავშირი განიხილავს გავლენას საქართველოს გაწევრიანების პროცესზე. მოველი, რომ იქნება ცვლილებები იმ გავლენის გამო, რაც შეიძლება ამ კანონს ჰქონდეს“, - განაცხადა ბლინკენმა.
ვენეციის კომისიის დასკვნით, ე.წ. „უცხოეთის აგენტების“ შესახებ რუსულ კანონს, რომელიც პარლამენტმა 14 მაისს მიიღო, ფუნდამენტური ხარვეზები აქვს და გამოიწვევს მნიშვნელოვან უარყოფით შედეგებს გაერთიანების უფლებისა და გამოხატვის თავისუფლების, პირადი ცხოვრების ხელშეუხებლობის, საჯარო საქმიანობებში მონაწილეობის უფლების და დისკრიმინაციის აკრძალვის კუთხით. ვენეციის კომისიამ საქართველოს ხელისუფლებას კატეგორიულად მოუწოდა, გააუქმოს კანონი არსებული ფორმით. „ქართული ოცნება“ კანონის გაუქმების შესახებ რეკომენდაციის გათვალისწინებას არ აპირებს და პრეზიდენტის ვეტოს დაძლევას მომავალ კვირაში გეგმავს.
აშშ-ის სახელმწიფო მდივნის თანაშემწემ ევროპისა და ევრაზიის საკითხებში ჯეიმს ო'ბრაიენმა ხელისუფლება გააფრთხილა, თუ კანონი ძალაში შევა ისე, რომ ის შესაბამისობაში არ იქნება ევროპულ ნორმებთან, აშშ-ის მხრიდან შეზღუდვებს ვნახავთ.
