„ქართული ოცნების“დეპუტატი, პარლამენტის თავმჯდომარის მოადგილე გიორგი კახიანი სახელმწიფო დეპარტამენტის სავიზო სანქციებს გამოეხმაურა და განაცხადა, რომ გაუგებარია, თუ სანქცირებულთა სიაში რუსული კანონის მხარდამჭერი ერთი დეპუტატი მაინც არის, რატომ არაა დანარჩენი 83.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
„მაშინ, როდესაც გამჭვირვალობის კანონის მიღების გამო მოხდა პარლამენტის წევრების დასანქცირება, უბრალოდ გაუგებარია, პარლამენტის ერთი წარმომადგენელი თუ მოხვდა ამ სიაში, მაშინ რატომ არ უნდა ყოფილიყო დარჩენილი 83, რადგან ყველა ერთნაირად უჭერდა ამ კანონს მხარს.
რა თქმა უნდა, არ არის სასიამოვნო, მაგრამ საერთოდ პრობლემას ვერ ვხედავ, როდესაც კონკრეტული პირების დასანქცირება ხდება იმ თვალსაზრისით, რომ უმრავლესობის ყოველ წევრს გათავისებული გვაქვს ერთი რამ, რომ ჩვენ ვიცავთ ჩვენი ქვეყნის ინტერესსა და სუვერენიტეტს. ამ ბრძოლაში ერთი ნაბიჯით უკან დამხევი არავინაა“, - განაცხადა კახიშვილმა, რომლის შეფასებითაც, სახელმწიფო დეპარტამენტის გადაწყვეტილება უსამართლოა.
საქართველოს პარლამენტის მიერ ე.წ. „უცხოეთის აგენტების“ შესახებ რუსული კანონის დამტკიცების, ასევე, კანონის მოწინააღმდეგეების მიმართ ძალადობისა და დაშინების კამპანიის გამო, აშშ-ის სახელმწიფო დეპარტამენტმა საქართველოსთვის სავიზო შეზღუდვის ახალი პოლიტიკა შემოიღო, 6 ივნისს კი, ამ პოლიტიკის ფარგლებში საქართველოს ათობით მოქალაქე დაასანქცირა. სავიზო სანქციების პირველი ნაწილი დაახლოებით 30 ადამიანს შეეხო. მათ შორის არიან „ქართული ოცნების“ წევრები, პარლამენტის დეპუტატები, სამართალდამცავი ორგანოების თანამშრომლები და კერძო პირები. დასანქცირებულთა სახელები საჯაროდ არ დასახელებულა.
ამასთან, აშშ აგრძელებს საქართველოსთვის განკუთვნილი ფინანსური დახმარების გადახედვას და მზად არის დამატებითი სანქციების დასაწესებლად. სახელმწიფო დეპარტამენტის პრეს-სპიკერმა, მეთიუ მილერმა განაცხადა, რომ საქართველოს მთავრობას ჯერ კიდევ აქვს დრო, სიტუაციის შემობრუნებისთვის.
„ქართული ოცნების“ საპარლამენტო უმრავლესობამ პრეზიდენტის ვეტო 28 მაისს დაძლია და რუსული კანონი 84 დეპუტატის მხარდაჭერით საბოლოოდ დაამტკიცა.
