ჰააგის სისხლის სამართლის საერთაშორისო სასამართლოს მოსამართლეებმა რუსეთის შეიარაღებული ძალების გენერალური შტაბის უფროსის, ვალერი გერასიმოვისა და თავდაცვის ყოფილი მინისტრის, სერგეი შოიგუს დაკავების ორდერები გასცა. ისინი ეჭვმიტანილები არიან ომისა და კაცობრიობის წინააღმდეგ ჩადენილ დანაშაულებში.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
დაკავების ორი ორდერი პროკურატურის შუამდგომლობის საფუძველზე გაიცა. წინასასამართლო პალატამ მიიჩნია, რომ არსებობდა გონივრული საფუძველი იმის დასაჯერებლად, რომ შოიგუ და გერასიმოვი არიან პასუხისმგებელი რუსეთის სამხედრო ძალების მიერ უკრაინის ელექტროინფრასტრუქტურაზე განხორციელებულ სარაკეტო თავდასხმებზე, სულ მცირე, 2022 წლის 10 ოქტომბრიდან 2023 წლის 9 მარტამდე პერიოდში. სასამართლოს განცხადებით, ამ დროის განმავლობაში,რუსეთის შეიარაღებულმა ძალებმა უკრაინაში, სხვადასხვა ადგილას, თავდასხმები განახორციელეს უამრავ ელექტროსადგურსა და ქვესადგურზე. „სავარაუდო დარტყმები მიმართული იყო სამოქალაქო ობიექტებზე“, - აღნიშნა სასამართლომ.
ორდერების შინაარსი მოწმეების დაცვისა და გამოძიების უზრუნველყოფის მიზნით, გასაიდუმლოებულია.
2023 წლის გაზაფხულზე, ჰააგის სასამართლომ რუსეთის პრეზიდენტის, ვლადიმერ პუტინისა და ბავშვთა ომბუდსმენის, მარია ლვოვა-ბელოვას დაკავების ორდერები გასცა. ამის მიზეზი უკრაინელი ბავშვების რუსეთში იძულებითი გადაყვანა გახდა.
რუსეთი სისხლის სამართლის საერთაშორისო სასამართლოს მხარე არ არის და მის მოთხოვნებს არ ასრულებს. ამავდროულად, ნებისმიერი ქვეყანა, რომელსაც რატიფიცირებული აქვს სასამართლოს დამფუძნებელი დოკუმენტი - „რომის სტატუტი“, ვალდებულია ძებნილი პირები დააკავოს, თუ ისინი მათ ტერიტორიაზე აღმოჩნდებიან. რუსეთის გარდა, ჰააგის სასამართლოს იურისდიქციას არ აღიარებენ აზერბაიჯანი, ბელარუსი, ეგვიპტე, ინდოეთი, ინდონეზია, ირანი, ყაზახეთი, ჩინეთი, საუდის არაბეთი, აშშ და თურქეთი. გასული წლის შემოდგომაზე რომის სტატუტს სომხეთი შეუერთდა.
