საერთაშორისო უფლებადამცველი ორგანიზაცია Amnesty International-ი რუსული კანონის წინააღმდეგ თბილისში გამართული მშვიდობიანი აქციის დარბევას ეხმაურება და საქართველოს ხელისუფლებას ადამიანის უფლებათა დაცვის სფეროში აღებულ საერთაშორისო ვალდებულებებს ახსენებს.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 პუტინის თქმით, საქართველოს ხელისუფლების სიმამაცით გაკვირვებულია
- 4 არალეგიტიმური პრემიერი შსს-ს მომიტინგეებზე სასტიკი ძალადობისთვის მადლობას უხდის
- 5 „ქართული ოცნების“ დე-ფაქტო მთავრობა არალეგიტიმურია - ჰელსინკის კომისია
- 6 სპეცრაზმი რუსთაველის გამზირზე აქციის მონაწილეებს არბევს
აღმოსავლეთ ევროპასა და ცენტრალურ აზიაში, Amnesty International-ის დირექტორის მოადგილემ დენის კრივოშეევმა თქვა, რომ ის, რაც თბილისში მოხდა, იყო სასტიკი ანგარიშსწორება ხალხის წინააღმდეგ მათ მიერ მშვიდობიანი პროტესტის უფლების გამოყენების გამო.
„ხელისუფლება იქცევა ისე, თითქოს მისი პრეროგატივაა გადაწყვიტოს, როდის შეუძლია ან არ შეუძლია ხალხს პროტესტის გამოხატვა და იყენებს სპეცრაზმის, რათა ძალადობით დაარბიონ და თვითნებურად დააკავონ მომიტინგეები. პოლიცია გაქცეულ მომიტინგეებს მისდევდა და ხელკეტებს ურტყამდა, ალყაში აქცევდა მათ და მიწაზე მყოფებს უმოწყალოდ სცემდა. ნაცვლად იმისა, რომ ხელი შეეწყო მშვიდობიანი დემონსტრაციისთვის, პოლიციამ ჩაატარა ის, რაც სადამსჯელო ოპერაციად გამოიყურება.
ჩვენ მოვუწოდებთ ძალის გამოყენების ყველა შემთხვევაზე სწრაფი, მიუკერძოებელი და საფუძვლიანი გამოძიებას ჩატარებისკენ და იმ პირების პასუხისგებაში მიცემისკენ, ვინც პასუხისმგებელია ძალის უკანონო გამოყენებაზე. ჩვენ ასევე შევახსენებთ საქართველოს ხელისუფლებას, რომ მშვიდობიანი შეკრების უფლება ფუნდამენტური უფლებაა და საქართველოს მთავრობამ უნდა შეასრულოს ქვეყნის საერთაშორისო ვალდებულებები ადამიანის უფლებათა დაცვის კუთხით“, - განაცხადა დენის კრივოშეევმა.
Amnesty International-ი კიდევ ერთხელ მოუწოდებს საქართველოს ხელისუფლებას, უარი თქვას „უცხოური გავლენის გამჭვირვალობის შესახებ“ კანონპროექტზე, რომელიც ცდილობს შეზღუდოს გაერთიანების თავისუფლების უფლება და აშკარად მიზნად ისახავს დამოუკიდებელი სამოქალაქო საზოგადოების ორგანიზაციების გაშავებას და მათი საქმიანობის შეზღუდვას“.
რუსული კანონის წინააღმდეგ პარლამენტთან მრავალათასიანი საპროტესტო აქციები იმართება. 16 აპრილს, გვიან ღამით, სპეციალური დანიშნულების რაზმის წევრებმა მშვიდობიანი აქციის მონაწილეების წინააღმდეგ წიწაკის სპრეი გამოიყენეს. ისინი მოქალაქეებს ქუჩა-ქუჩა დაედევნენ და ფიზიკურად გაუსწორდნენ, სცემეს მედიის წარმომადგენლებსაც. აქციის რამდენიმე მონაწილე, მიღებული დაზიანებების გამო, საავადმყოფოშია მოხვდა.
შინაგან საქმეთა სამინისტროს ინფორმაციით, 15 აპრილის აქციაზე ადმინისტრაციული წესით 14 მოქალაქე დააკავეს, 16 აპრილს - 11, 17 აპრილს კი - 2. დაკავებულთა შორის არის პარტია „ლელოს“ გენერალური მდივანი ირაკლი კუპრაძე, რომელზეც პოლიციამ იძალადა. სამართალდამცველებმა სცემეს პარლამენტის წევრს, პარტია „მოქალაქეების“ ლიდერს, ალეკო ელისაშვილსაც, რომელიც მთავრობის კანცელარიასთან გამართულ აქციაში მონაწილეობდა და პრემიერ-მინისტრ ირაკლი კობახიძესთან შეხვედრას ითხოვდა. დეპუტატის თქმით, მას ნეკნი აქვს გატეხილი.
