2023 წლის 1-ელი იანვრიდან სატრანსპორტო საშუალების სარეგისტრაციო მოწმობისა და სახელმწიფო სანომრე ნიშნების გაცემის საფასური გაძვირდა. სატრანსპორტო საშუალების რეგისტრაციის მოწმობის ღირებულება 65 ლარით გაიზარდა და 35 ლარის ნაცვლად, 100 ლარი გახდა. ავტომობილის სახელმწიფო სანომრე ნიშნის ერთი წყვილის გაცემა 45 ლარით გაიზარდა და 35 ლარის ნაცვლად, 80 ლარია.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 გერმანიამ საქართველოში მომიტინგეებზე ძალადობაზე პასუხისმგებელ 9 პირს ქვეყანაში შესვლა აუკრძალა
1-ელი იანვრიდან ავტოსატრანსპორტო საშუალებების პერიოდული ტექნიკური ინსპექტირების დროს ავტოსატრანსპორტო საშუალებას ხმაურზეც შეამოწმებენ. ხმაური, რომელსაც ავტომობილი გამოსცემს, არ უნდა აღემატებოდეს კანონით განსაზღვრულ დეციბალებს.
1-ელი იანვრიდან გამკაცრდა გამონაბოლქვზე ავტომობილის შემოწმების კრიტერიუმი. 2020 წლის 1-ელ აპრილამდე რეგისტრირებული, ბენზინის ძრავზე მომუშავე ავტომობილებისთვის გამონაბოლქვის (CO) ნორმა 0.6%-დან 0.55%-მდე შემცირდა.
1-ელი სექტემბრიდან მართვის მოწმობის პრაქტიკული გამოცდის მეორე ეტაპზე, მგზავრობის დაწყებამდე მძღოლობის კანდიდატი ვალდებული იქნება სატრანსპორტო საშუალების ტექნიკურ გამართულობასთან დაკავშირებით გამომცდელის მიერ დასმულ კითხვებს პასუხი ვიზუალური ჩვენებით გასცეს შესაბამისი ხელსაწყოს გამოყენებით ან სხვა მოქმედებით. გამომცდელმა მძღოლობის კანდიდატს შერჩევითად შეიძლება 2 დავალება მისცეს.
საქსტატის 2021 წლის მონაცემებით, საქართველოში 1 490 200 ავტომობილია რეგისტრირებული, საიდანაც 1 265 900 მსუბუქია. 1 242 500 ავტომობილი 10 წელზე მეტი ასაკისაა.
