ჟენევის საერთაშორისო მოლაპარაკებების 59-ე რაუნდი, რომელიც ჟენევაში 5-6 დეკემბერს ჩატარდა, რუსეთის საგარეო საქმეთა სამინისტრომ შეაჯამა. რუსული მხარის განცხადებით, აუცილებელია სოხუმისა და ცხინვალის უსაფრთხოების გაძლიერება და საქართველოსთან „საზღვრების“ დელიმიტაციის პროცესის დაწყება.
ახალი ამბები
მკითხველის რჩეული
- 1 „ცოლად შერთვის მიზნით გაიტაცა და სექსუალურად იძალადა“ - კახეთის პოლიციამ 5 პირი დააკავა
- 2 სამტრედიაში ნიკა მელიას თავს დაესხნენ
- 3 კობახიძემ დააკონკრეტა რომელი ოპოზიციური პარტიების აკრძალვას გეგმავს „ქართული ოცნება“
- 4 შოვის სტიქიაზე ახალი კვლევის გამოქვეყნების შემდეგ ლაშა სუხიშვილი გამოკითხვაზე დაიბარეს
- 5 გაეროში რუსეთის წარმომადგენელმა აგვისტოს ომზე „ქართული ოცნების“ განცხადება გაიმეორა
- 6 მწვერვალ შხელდაზე დაღუპული მთამსვლელის, არჩილ ბადრიაშვილის ცხედარი იპოვეს
„რუსულმა მხარემ ხაზი გაუსვა თბილისს, სოხუმსა და ცხინვალს შორის კონტაქტების გაგრძელების მნიშვნელობას ჟენევის საერთაშორისო მოლაპარაკებების ეგიდით, რათა სწრაფად დაიწყოს არსებითი სამუშაოები სამართლებრივად სავალდებულო შეთანხმების დადებაზე საქართველოს მიერ აფხაზეთთან და სამხრეთ ოსეთთან მიმართებაში ძალის გამოუყენებლობის შესახებ, ასევე, საქართველოსა და აფხაზეთს, საქართველოსა და სამხრეთ ოსეთს შორის სახელმწიფო საზღვრების დელიმიტაციის პროცესის დაწყებას შემდგომი დემარკაციით.
სოხუმისა და ცხინვალის უსაფრთხოების გაძლიერების აუცილებლობა ნაკარნახევია შავი ზღვის რეგიონში ნატო-ს მზარდი აქტიურობით, ალიანსის მიერ საქართველოს სამხედრო განვითარების გეგმების განხორციელებით და ამ ქვეყნის თანამედროვე ტიპის იარაღით მომარაგებით“, - ნათქვამია რუსეთის საგარეო საქმეთა სამინისტროს განცხადებაში.
უწყების ინფორმაციით, მოლაპარაკებების მონაწილეები თანხმდებიან, რომ „ვითარება „ადგილზე“ - ქართულ-აფხაზურ და ქართულ-სამხრეთ ოსეთის სასაზღვრო რაიონებში, ცალკეული ინციდენტების გამოკლებით, ზოგადად სტაბილური რჩება“.
აღსანიშნავია, რომ მოლაპარაკებები სოფელ კირბალში რუსი სამხედროების მიერ თამაზ გინტურის მკვლელობიდან ერთი თვის თავზე გაიმართა, თუმცა ეს საკითხი რუსული მხარის მიერ გავრცელებულ განცხადებაში ნახსენები არ არის.
ჟენევის მოლაპარაკებებში რუსეთის დელეგაციას საგარეო საქმეთა მინისტრის მოადგილე მიხაილ გალუზინი ხელმძღვანელობდა, ხოლო ქართულ დელეგაციას - საქართველოს საგარეო საქმეთა მინისტრის მოადგილე - ლაშა დარსალია. ქართულ მხარეს მოლაპარაკებების შედეგებთან დაკავშირებით განცხადება ჯერ არ გაუვრცელებია.
ჟენევის მოლაპარაკებების შემდეგი, მე-60 რაუნდი 2024 წლის აპრილში გაიმართება. საქართველოსა და რუსეთის გარდა, მოლაპარაკებებში მონაწილეობას იღებენ ოკუპირებული აფხაზეთისა და ცხინვალის რეგიონის წარმომადგენლები, აშშ და თანათავმჯდომარეები ეუთოს, ევროკავშივშირის და გაეროს მხრიდან.
![საქართველოს ამბები](/images/a2.png#joomlaImage://local-images/a2.png?width=80&height=80)