სახელმწიფო კომპანია საფერავს ლარ-ნახევრად ჩაიბარებს, ხოლო მევენახეებს, რომლებსაც აღნიშნული ჯიშის ყურძენი ნაკლებ ფასად აქვთ ჩაბარებული, მთავრობა სხვაობას დაუკომპენსირებს. ამის შესახებ საქართველოს პრემიერ-მინისტრმა, ირაკლი კობახიძემ განაცხადა. მას არ დაუკონკრეტებია, რა თანხა გამოიყოფა სახელმწიფო ბიუჯეტიდან საფერავის სუბსიდირებისთვის.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
დღევანდელ ბრიფინგზე კობახიძემ აღნიშნა, რომ წელს საფერავის ჯიშის ყურძნის მოსავალი რეკორდულია.
„ინტენსიურად მიმდინარეობს ყურძნის ჩაბარება და უკვე გადამუშავებულია 35 ათასი ტონა ყურძენი. თუმცა, კლიმატური პირობებიდან გამომდინარე, გახდა საჭირო, მოსავალი მაქსიმალურად სწრაფად დაბინავდეს, რათა ყურძენი არ გაფუჭდეს და მისი გადამუშავება დროულად მოხდეს. აქედან გამომდინარე, ყოველდღიურად მზარდია ყურძნის ჩაბარებაზე მოთხოვნა მევენახეების მხრიდან.
აღნიშნულის გათვალისწინებით, მივიღეთ გადაწყვეტილება, გამოვყოთ დამატებითი რესურსი და სახელმწიფო კომპანია საფერავის ჯიშის ყურძენს ათამდე ლოკაციაზე ლარნახევრად ჩაიბარებს. ამასთან, მევენახეებს, რომლებსაც დღემდე ლარნახევარზე ნაკლებ ფასად აქვთ ჩაბარებული საფერავის ჯიშის ყურძენი, საქართველოს მთავრობა დაუკომპენსირებს სხვაობას ლარნახევარსა და მიღებულ საფასურს შორის“, - განაცხადა კობახიძემ.
აქამდე სახელმწიფო ბიუჯეტიდან მხოლოდ რქაწითელის ჯიშის ყურძენი სუბსიდირდებოდა. კერძოდ, მთავრობის გადაწყვეტილებით, სახელმწიფო სუბსიდიით სარგებლობს ის კომპანია, რომელიც არანაკლებ 100 ტონა რქაწითელის ჯიშის ყურძენს ყიდულობს და შესყიდული 1 კილოგრამის სანაცვლოდ, ყურძნის ჩამბარებელს არანაკლებ 1 ლარს უხდის.
კახეთში რთველი აგვისტოს ბოლოს დაიწყო. ღვინის კომპანიები საფერავს 1.30-1.40 ლარად იბარებდნენ, გარკვეულ პერიოდში კი ყურძნის მიღება შეწყვეტილიც ჰქონდათ. ყურძნის ფასით უკმაყოფილო მევენახეებმა საპროტესტო აქცია რამდენჯერმე გამართეს.
