დე ფაქტო აფხაზეთის მთავრობა აფხაზეთის აღიარების საკითხზე პალესტინის, ავღანეთის, იემენის, ჩრდილოეთ კორეისა და სერბეთის წარმომადგენლებთან მუშაობს. ამის შესახებ საქართველოს ოკუპირებული რეგიონის ე.წ. საგარეო საქმეთა მინისტრმა ინალ არძინბამ განაცხადა.
ახალი ამბები
მკითხველის რჩეული
- 1 14 წლის აითაჯ შახმაროვას მკვლელობაში ბრალდებულ ე.წ. ქმარს უვადო პატიმრობა მიუსაჯეს
- 2 კაშია: მსურს მადლობა გადავუხადო ბიძინა ივანიშვილს ჩვენი შრომის დაფასებისთვის
- 3 პროკურატურამ ჟურნალისტი გელა მთივლიშვილი მისი დაკავების საქმეზე დაზარალებულად ცნო
- 4 აშშ-საქართველოს სამხედრო სწავლება „ღირსეული პარტნიორი“ გაურკვეველი ვადით გადაიდო
- 5 ჭიდაობაში მსოფლიო ჩემპიონი ნუგზარ წურწუმია გარდაცვლილი იპოვეს
- 6 1,4 მლნ ადამიანია დღეს დასაქმებული, ისტორიული რეკორდია 90-იანი წლების შემდეგ - პრემიერი
„2023 წელს აფხაზეთის საგარეო საქმეთა სამინისტრომ განაგრძო აფხაზეთის საერთაშორისო აღიარების გაფართოებაზე მუშაობა და აქტიური კონტაქტები ჰქონდა პალესტინის, ავღანეთის, იემენის, ჩრდილოეთ კორეისა და სერბეთის წარმომადგენლებთან“, - თქვა ინალ არძიბამ ე.წ. პრეზიდენტ ასლან ბჟანიასთან შეხვედრაზე.
არძინბამ გასული წლის საქმიანობის ანგარიში წაარადგინა. მისი თქმით, კვლავ განიხილავენ აფხაზეთში სირიის პრეზიდენტ ბაშარ ასადის ვიზიტის ორგანიზების და სირიის საელჩოს გახსნის შესაძლებლობას.
„2023 წელს სირიაში აფხაზეთის საელჩოს საკონსულო განყოფილებამ მუშაობა დაიწყო. სირიის პრეზიდენტის მხარდაჭერით ვამყარებთ კონტაქტებს ალჟირისა და ირანის წარმომადგენლებთან“, - აღნიშნა ინალ არძინბამ.
გარდა ამისა, არძინბას ინფორმაციით, გასულ წელს საგარეო საქმეთა სამინისტრომ აქტიური ურთიერთობა დაიწყო არაბეთის გაერთიანებული საემიროების წარმომადგენლებთანაც: „იქმნება პირობები საქმიან საზოგადოებებს შორის კომუნიკაციისთვის. ასეთივე სამუშაოებს, სავაჭრო-სამრეწველო პალატასთან ერთად, ლიბანთანც ვაწარმოებთ“, - ამბობს არძინბა.
დღეისთვის, აფხაზეთის და სამხრეთ ოსეთის დე ფაქტო რესპუბლიკების ე.წ. დამოუკიდებლობა აღიარებული აქვთ რუსეთს, სირიას, ვენესუელას, ნიკარაგუას და ნაურუს.
ამასთან, სირიამ საქართველოს ოკუპირებული რეგიონების დამოუკიდებლობა 2018 წელს აღიარა. ამ გადაწყვეტილების გამო საქართველომ სირიასთან დიპლომატიური ურთიერთობები შეწყვიტა.
![საქართველოს ამბები](/images/a2.png#joomlaImage://local-images/a2.png?width=80&height=80)