განათლების მინისტრის გადაწყვეტილებით, 2024-2025 სასწავლო წლიდან ქართული ენის მომზადების საგანმანათლებლო პროგრამაზე (1+4) ჩარიცხულ სტუდენტთა სახელმწიფო სასწავლო გრანტით დაფინანსება გაორმაგდა – სწავლა ყოველწლიურად 100-100 სომხურენოვანი და აზერბაიჯანულენოვანი სტუდენტის ნაცვლად, 200-200 სტუდენტს დაუფინანსდება.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 პუტინის თქმით, საქართველოს ხელისუფლების სიმამაცით გაკვირვებულია
- 4 ოპოზიციური პარტიები 24 ნოემბერს პარლამენტთან აქციას და ღამისთევას აანონსებენ
- 5 პარლამენტი აღარ არსებობს, რადგან ერთმა პარტიამ თავზე დაიხია კონსტიტუცია - ზურაბიშვილი
- 6 არალეგიტიმური პრემიერი შსს-ს მომიტინგეებზე სასტიკი ძალადობისთვის მადლობას უხდის
„1+4 პროგრამის“ ფარგლებში მოსამზადებელ საფეხურზე 100 ეთნიკურად აზერბაიჯანელი და 100 ეთნიკურად სომეხი ახალგაზრდა ყოველწლიურად იღებს სახელმწიფოსგან დაფინანსებას, მაგრამ ამ პროგრამით მოსარგებლე სტუდენტების რაოდენობა გაცილებით მეტია, ვიდრე პროგრამის ფარგლებში დაფინანსებისთვის გათვალისწინებული რაოდენობა.
შეფასებისა და გამოცდების ეროვნული ცენტრის მონაცემებით, 2023 წელს ზოგადი უნარების გამოცდა წარმატებით ჩააბარა 400-ზე მეტმა სომხურენოვანმა და 1600-ზე მეტმა აზერბაიჯანულენოვანმა აბიტურიენტმა.
უმაღლეს სასწავლებლებში სწავლის გაგრძელებისას ყველაზე მაღალი ქულის მქონე 100 სტუდენტის გარდა, ასობით სტუდენტი იძულებული იყო სახელმწიფო ენის ერთწლიან პროგრამაზე ჩარიცხვისთვის 2250 ლარი გადაეხადა.
განათლებისა და მეცნიერების სამინისტროს ინფორმაციით, „1+4“ საგანმანათლებლო პროგრამის ფარგლებში სახელმწიფო სასწავლო გრანტით დაფინანსება 450 000 - 450 000 ლარია და ის ყოველწლიურად გაიზრდება.
„1+4“ საგანმანათლებლო პროგრამა ეთნიკური უმცირესობის წარმომადგენელ აბიტურიენტებისთვის სპეციალური საშეღავათო პოლიტიკის ფარგლებში ხორციელდება და მათ შესაძლებლობას აძლევს, გამარტივებული გზით მოიპოვონ უმაღლეს საგანმანათლებლო დაწესებულებაში სწავლის გაგრძელების უფლება და კონკრეტული საგანმანათლებლო პროგრამის ათვისებამდე, ქართული ენის ცოდნა გაიუმჯობესონ. ეთნიკური უმცირესობის წარმომადგენელ სტუდენტებს, პროგრამის ფარგლებში, სასურველ უნივერსიტეტში სწავლა მხოლოდ უნარების გამოცდის მშობლიურ ენაზე ჩაბარების საფუძველზე შეუძლიათ.
პროგრამა გამარტივებული ჩარიცხვის წესთან ერთად, დაფინანსებასაც გულისხმობს. სტუდენტებს მშობლიურ ენაზე გამოცდის წარმატებით ჩაბარების შემთხვევაში, უფინანსდებათ სწავლა ქართული ენის მომზადების პროგრამაზე, რომლის დასრულების შემდგომ, ისინი ასევე სრული დაფინანსებით აგრძელებენ სწავლას იმავე უმაღლეს საგანმანათლებლო დაწესებულებაში მათთვის სასურველ საგანმანათლებლო პროგრამაზე.
