ცენტრალური საარჩევნო კომისიის გადაწყვეტილებით, 1-ელ ოქტომბერს საქართველოს პარლამენტის შუალედური და გურჯაანის მერის რიგგარეშე არჩევნები გაიმართება. ამომრჩევლები გორი-კასპის მაჟორიტარ დეპუტატს და გურჯაანის მერს აირჩევენ.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 არალეგიტიმური პრემიერი შსს-ს მომიტინგეებზე სასტიკი ძალადობისთვის მადლობას უხდის
- 4 „ქართული ოცნების“ დე-ფაქტო მთავრობა არალეგიტიმურია - ჰელსინკის კომისია
- 5 სპეცრაზმი რუსთაველის გამზირზე აქციის მონაწილეებს არბევს
- 6 აქციაზე ტელეკომპანია „პირველის“ ჟურნალისტი მარიამ გაფრინდაშვილი დაშავდა
პარლამენტის შუალედური არჩევნების ჩატარება მას შემდეგ გახდა საჭირო, რაც 2023 წლის თებერვალში ექსპრემიერ გიორგი გახარიას მიერ დაფუძნებული პარტიის - „საქართველოსთვის“ წევრმა, გიორგი ხოჯევანიშვილმა პარლამენტის დეპუტატის მანდატი და პარტია დატოვა. ხოჯევანიშვილი გორი-კასპის მაჟორიტარ დეპუტატად 2020 წლის საპარლამენტო არჩევნების შედეგად აირჩიეს. ის „ქართული ოცნების“ მიერ წარდგენილი კანდიდატი იყო. მას შემდეგ, რაც გიორგი გახარია პრემიერ-მინისტრის თანამდებობიდან გადადგა და საკუთარი პარტია დააფუძნა, გიორგი ხოჯევანიშვილმა და კიდევ ხუთმა პარლამენტარმა „ქართული ოცნება“ დატოვეს და გახარიას პარტიას შეუერთდნენ.
რაც შეეხება გურჯაანის მერის რიგგარეშე არჩევნებს, 2021 წლის 2 ოქტომბერს არჩეული მერი ზურაბ უტიაშვილი თანამდებობიდან მიმდინარე 2023 ივნისში გადადგა. როგორც უტიაშვილმა განმარტა, ჯანდაცვის სფეროში დაბრუნება და იქ „ქართული ოცნების“ გუნდთან ერთად მუშაობის გაგრძელება ჰქონდა გადაწყვეტილი.
ცენტრალური საარჩევნო კომისიის პრეს-სპიკერმა, ნათია იოსელიანმა დღეს გამართულ ბრიფინგზე განაცხადა, რომ 1-ელი ოქტომბრის არჩევნები განსაკუთრებული მნიშვნელობისაა, რადგან ცესკოს ექნება შესაძლებლობა 2024 წლის საერთო არჩევნებამდე კიდევ ერთხელ გამოსცადოს ელექტრონული ტექნოლოგიები საარჩევნო პროცესში.
შუალედური/რიგგარეშე არჩევნებისთვის სულ 133 საარჩევნო უბანი გაიხსნება. ამომრჩეველთა ვერიფიკაციის, ხმის მიცემისა და დათვლის აპარატების გამოყენებით კენჭისყრა 103 საარჩევნო უბანზე გაიმართება და მასში მონაწილეობას ამომრჩეველთა საერთო რაოდენობის 85.3% მიიღებს. დანარჩენ, 30 საარჩევნო უბანზე კი კენჭისყრა ამ დრომდე არსებული წესით ჩატარდება, თუმცა აღნიშნულ უბნებზე საარჩევნო ბიულეტენები გაციფრულდება, შესაბამის უსაფრთხო პლატფორმაზე აიტვირთება და ყველა დაინტერესებული მხარისთვის ხელმისაწვდომი იქნება.
