პარასკევს, 10 მაისს, მთავრობის მიერ გამოცხადებულ უქმე დღეს, პარლამენტის იურიდიულ საკითხთა კომიტეტის სხდომა გაიმართება. ოპოზიცია არ გამორიცხავს, „ქართულმა ოცნებამ“ რუსული კანონი მესამე მოსმენით განიხილოს, მიუხედავად იმისა, რომ ის ჯერ არ არის გამოქვეყნებულ დღის წესრიგში შეტანილ სამ საკითხს შორის.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
„რუსული კანონი ჯერ არ წერია დღის წესრიგში, მაგრამ სხდომაზევე საკითხის დამატება შესაძლებელია და „ოცნებას“ ხმები ეყოფა. შესაძლოა, სწორედ პარასკევს მიიღონ მესამე მოსმენით, კომიტეტზე. ამის შემდეგ რჩება პლენარული სხდომა (შემდეგ კვირაში), ვეტო და მისი დაძლევა - ჯერ კომიტეტზე, შემდეგ პლენარულზე“, - ამბობს „ლელოს“ წევრი, დეპუტატი ანა ნაცვლიშვილი.
კომიტეტის თავმჯდომარემ, ანრი ოხანაშვილმა განაცხადა, რომ რუსული კანონის განხილვა ორშაბათს, 13 მაისს იგეგმება. „ბრწყინვალე შვიდეულში მაინც მოერიდეთ სიცრუის გავრცელებას“, - წერს ის სოციალურ ქსელში.
პარლამენტის რეგლამენტის 34-ე მუხლის თანახმად, კომიტეტის სხდომის დღის წესრიგს განსაზღვრავს კომიტეტის თავმჯდომარე თავისი ინიციატივით ან კომიტეტის წევრის/წევრების მოთხოვნით. კომიტეტის თავმჯდომარე ვალდებულია, კომიტეტის სიითი შემადგენლობის უმრავლესობის მოთხოვნის შემთხვევაში, კომიტეტის სხდომის დღის წესრიგში შეიტანოს საკითხი. კომიტეტის სხდომაზე სხდომის დღის წესრიგში ახალი საკითხის შეტანა დაუშვებელია, გარდა კონსტიტუციით გათვალისწინებული საკითხებისა და კანონპროექტის დაჩქარებული წესით განხილვის შემთხვევისა.
აღდგომის შემდეგი დღეები - 7, 8 და 10 მაისი, მთავრობამ უქმეებად გამოაცხადა. 9 მაისი - ფაშიზმზე გამარჯვების დღე, შრომის კოდექსით ისედაც უქმეა. ოპოზიციაში მიიჩნევენ, რომ „სამაისო არდადეგების“ შემოღება რუსული კანონის წინააღმდეგ პროტესტის შესუსტებას ემსახურება.
11 მაისს, რეპრესიული კანონის მიღების წინააღმდეგ, თბილისში მასშტაბური მანიფესტაციის გამართვა იგეგმება.
