საქართველოში ამერიკის შეერთებული შტატების საელჩო „უცხოეთის აგენტების შესახებ“ კანონპროექტების პარლამენტის პლენარულ სხდომაზე გატანას განცხადებით ეხმაურება.
ახალი ამბები
მკითხველის რჩეული
- 1 მზია ამაღლობელის მხარდამჭერი აქციის გამო შსს-მ 9 ადამიანს სამართალდარღვევის ოქმი შეუდგინა
- 2 გომელაური, „ხარება“ და სხვა დასანქცირებული პოლიციელები ღირსების ორდენით დააჯილდოვეს
- 3 პატიმრის ადვოკატი: „სახის არცერთი ძვალი მთელი არ აქვს, ეს აღწერილი არაა და რატომ, გაუგებარია“
- 4 პოლიციის აკადემიის რექტორად სავარაუდო კორუფციაში მხილებული ლელა ჩიქოვანი დაინიშნა
- 5 თბილისის მერია „რიყის დოქებთან“ 16 წლის ბიჭის დაღუპვაზე პასუხისმგებლობას ირიდებს
- 6 მოიპოვებენ თუ არა საქართველოში ტაილანდელი ქალებისგან კვერცხუჯრედებს იძულებით
„დღეს საქართველოს დემოკრატიისთვის შავი დღეა. პარლამენტის მიერ კრემლისგან შთაგონებული კანონების განხილვის გაგრძელება შეუთავსებელია საქართველოს ევროპასთან ინტეგრაციის აშკარა სურვილთან და ქვეყნის დემოკრატიულ განვითარებასთან.
ამ კანონების გატანა დააზიანებს საქართველოს ურთიერთობას სტრატეგიულ პარტნიორებთან და ძირს გამოუთხრის მნიშვნელოვან საქმეს, რომელსაც უამრავი ქართული ორგანიზაცია თანამოქალაქეების დასახმარებლად აკეთებს. ეს პროცესი და კანონპროექტები რეალურ კითხვებს აჩენს მმართველი პარტიის ერთგულებაზე ევროატლანტიკური ინტეგრაციისადმი“, - ნათქვამია აშშ-ის საელჩოს განცხადებაში.
საქართველოს პარლამენტი განიხილავს საპარლამენტო უმრავლესობის მიერ ინიცირებულ „უცხოელი აგენტების რეგისტრაციის“ და „უცხოური გავლენის გამჭვირვალობის“ შესახებ კანონპროექტებს, რომლებიც „აგენტად“ დარეგისტრირებას ავალდებულებს იმ მედიასაშუალებებსა და არასამთავრობო ორგანიზაციებს, რომელთა დაფინანსების 20%-ზე მეტი უცხოეთიდანაა მიღებული. იუსტიციის სამინისტროს ექნება მედიისა და არასამთავრობო ორგანიზაციების შემოწმების, პერსონალური მონაცემების დამუშავებისა და 25 ათასი ლარით დაჯარიმების უფლებამოსილება. კანონპროექტი ითვალისწინებს ამ კანონის დამრღვევის 5 წლით დაპატიმრებასაც.
გუშინ, 6 მარტს, კანონპროექტები იურიდიულ საკითხთა კომიტეტმა მოიწონა, რის შემდეგაც ფრაქცია „ქართული ოცნების“ თავმჯდომარემ, მამუკა მდინარაძემ განაცხადა, რომ „უცხოური გავლენის გამჭვირვალობის“ შესახებ კანონპროექტს ხუთშაბათს, 9 მარტს დაგეგმილ პლენარულ სხდომაზე უყრიდნენ კენჭს. მმართველმა გუნდმა გადაწყვეტილება დღეს შეცვალა და ოპოზიციისთვის მოულოდნელად, კანონპროექტი დღევანდელ პლენარულ სხდომაზე გაიტანა.
მოქალაქეები, არასამთავრობო ორგანიზაციების, დამოუკიდებელი მედიასაშუალებებისა და ოპოზიციური პარტიების წარმომადგენლები, რომლებიც კანონპროექტებს ეწინააღმდეგებიან პარლამენტის შენობის წინ საპროტესტო აქციას მართავენ.
საპარლამენტო უმრავლესობას კანონპროექტებზე უარის თქმისკენ მოუწოდებენ პარტნიორი ქვეყნები და საერთაშორისო უფლებადამცველი ორგანიზაციები. 6 მარტს, იურიდიულ საკითხთა კომიტეტის სხდომის პარალელურად, საქართველოში აშშ-ის ელჩმა, კელი დეგნანმა დეპუტატებს კიდევ ერთხელ მიმართა, არ მიიღონ ისეთი კანონმდებლობა, რომელიც გააჩუმებს დამოუკიდებელ მედიას და განსხვავებულ ხმებს, ისევე როგორც მსგავსმა კანონმა გააკეთა რუსეთში და რუსეთის მსგავს სხვა ქვეყნებში.
ამ თემაზე:
„აგენტების შესახებ“ კანონპროექტებს Human Rights Watch და Amnesty International აკრიტიკებენ
„ორივე კანონპროექტი ანტიკონსტიტუციურია“ - საკონსტიტუციოს ყოფილი მოსამართლე
