პარლამენტის თავდაცვისა და უშიშროების კომიტეტის თავმჯდომარის მოადგილის, თეონა აქუბარდიას ინფორმაციით, დანია, რომელიც ნატოს წევრი ქვეყანაა, საქართველოს მრავალმილიონიან სამხედრო დახმარებას უჩერებს.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
დანიამ საქართველოში შარშან დაიწყო „მშვიდობისა და სტაბილიზაციის პროგრამა“, რომლის მთლიანი ბიუჯეტი 27,12 მილიონი ლარით განისაზღვრა.
„დანია, ჩემი ინფორმაციით, აჩერებს სამხედრო დახმარებას, მრავალმილიონიან პროექტს ქვეყნის თავდაცვისუნარიანობის გაძლიერებისთვის, რომელიც შარშან დაიწყო და საუბარი იყო 27 მილიონ ლარზე, რაც უნდა მოხმარებოდა საქართველოს მედეგობის გაძლიერებას, ისევე როგორც ეროვნული გვარდიისა და ნატო-საქართველოს არსებითი პაკეტის პროგრამაში ქვეყნის თავდაცვისუნარიანობის გაძლიერებას“, - განაცხადა პარლამენტში დღეს გამართულ ბრიფინგზე აქუბარდიამ.
ოპოზიციონერი დეპუტატი ევროკავშირის მიერ საქართველოს თავდაცვის ძალებისთვის გამიზნული 30 მილიონი ევროს გაყინვასაც გამოეხმაურა და თქვა, რომ ქვეყნისთვის ეს უდიდესი დანაკარგია.
„ბოლო სამი წლის განმავლობაში, ევროკავშირმა საქართველოს 62 მილიონი ევრო გამოუყო თავდაცვიუნარიანობის გაძლიერებისთვის... შეუქცევადად მიმდინარეობს ქვეყნის თავდაცვისუნარიანობის დაზიანება, რაც არის იმ პოლიტიკის შედეგი, რომელიც „ქართულმა ოცნებამ“ წამოიწყო“, - აღნიშნა აქუბარდიამ.
ევროკავშირის ელჩმა, პაველ ჰერჩინსკიმ დღეს განაცხადა, რომ ევროკავშირმა საქართველოსთვის შეაჩერა ევროპული სამშვიდობო ფონდიდან 30 მილიონი ევროს მხადაჭერა. ჰერჩინსკის თქმით, ეს ფინანსური დახმარება ყოველწლიურად იზრდებოდა, ახლა კი შეჩერდა. „სიტუაციის გაუარესების“ შემთხვევაში, ევროკავშირი სხვა ზომების მიღებაც განიხილავს.
საქართველოსთან ურთიერთობების გადახედვა დაწყებული აქვს ამერიკის შეერთებულ შტატებსაც, რომლის ფარგლებშიც 5 ივლისს, თავდაცვის დეპარტამენტმა საქართველოში სამხედრო სწავლება „ღირსეული პარტნიორი 2024“ გაურკვეველი ვადით გადადო. პენტაგონის განმარტებით, „გადაწყვეტილება განპირობებულია საქართველოს მთავრობის ცრუ ბრალდებებით შეერთებული შტატებისა და დასავლეთის სხვა სუბიექტების მიმართ, რომ საქართველოს რუსეთის წინააღმდეგ მეორე ფრონტის გახსნას აიძულებენ, რათა უკრაინაზე ზეწოლა შემსუბუქდეს, ასევე მონაწილეობდნენ მმართველი პარტიის წინააღმდეგ გადატრიალების ორ მცდელობაში“.
