საქართველოში გერმანიის ელჩმა, პეტერ ფიშერმა განაცხადა, რომ თუ ე.წ. უცხოეთის აგენტების შესახებ რუსული კანონი საბოლოოდ მიღებული იქნება ისე, როგორც ახლაა, დეკემბერში გერმანია მხარს არ დაუჭერს ევროკავშირში საქართველოს გაწევრიანების შესახებ მოლაპარაკებების გახსნას.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
„საქართველომ უკვე გადაუხვია ევროპულ გზას. არსებობს სტანდარტები, რომლებიც კანდიდატმა ქვეყნებმა უნდა დააკმაყოფილონ და ეს კანონი სტანდარტს მიღმაა. რაც შეეხება ევროკომისიის დეკემბერში მისაღებ გადაწყვეტილებას. ეს კანონი თუ იქნება მიღებული ისე, როგორც ახლაა, გერმანია არ მისცემს ხმას საქართველოსთვის მოლაპარაკების სივრცის გახსნას. თქვენ უნდა იყოთ სტანდარტთან შესაბამისი, თუ არადა წინ ვერ წახვალთ“, - განაცხადა ელჩმა.
რამდენიმე დღის წინ, გერმანიის კანცლერმა ოლაფ შოლცმა და საფრანგეთის პრეზიდენტმა ემანუელ მაკრონმა რუსულ კანონთან დაკავშირებით ერთობლივი განცხადება გაავრცელეს. მათ წუხილი გამოთქვეს საქართველოს მთავრობის გადაწყვეტილების გამო, გადაუხვიოს ევროპული გზიდან.
საქართველოს პარლამენტმა ე.წ. „უცხოეთის აგენტების“ შესახებ რუსული კანონი 14 მაისის პლენარულ სხდომაზე მესამე, საბოლოო მოსმენით მიიღო. მას მხარი 84-მა დეპუტატმა დაუჭირა, 30 კი წინააღმდეგი იყო. ხელისუფლებამ არ გაითვალისწინა საერთაშორისო პარტნიორების გაფრთხილებები და ქვეყანაში მიმდინარე უწყვეტი, მასობრივი საპროტესტო აქციების მოთხოვნა, კანონი უპირობოდ უკან გაეწვიათ.
პრეზიდენტმა სალომე ზურაბიშვილმა კანონს, რომელიც მისი შეფასებით საქართველოს კონსტიტუციის არაერთ მუხლს ეწინააღმდეგება, ვეტო დაადო, თუმცა „ქართული ოცნება“ მის დაძლევას 27 მაისის სასესიო კვირაში გეგმავს.
ევროსაბჭოს ექსპერტთა საბჭოს მოსაზრებით, შეუძლებელია იმის დასაბუთება, რომ საქართველოს პარლამენტის მიერ მიღებული რუსული კანონი ევროპულ და საერთაშორისო სტანდარტებთან შესაბამისობაშია. მათი შეფასებით, კანონის მიზნის ლეგიტიმურობა თავისთავად კითხვის ნიშნის ქვეშაა, რადგან მის დებულებებში არაფერია, რაც დაადასტურებდა, რომ მიზანშეწონილია გარკვეული სუბიექტების რეგულირება მხოლოდ მათი შემოსავლის წყაროს მიხედვით და არა მათ მიერ განხორციელებული საქმიანობის ბუნებიდან გამომდინარე.
