საქართველოს პრემიერ-მინისტრი ირაკლი კობახიძე ოფიციალური ვიზიტით გერმანიის ფედერაციულ რესპუბლიკაში გაემგზავრა, სადაც გერმანიის კანცლერს, ოლაფ შოლცს, ქვეყნის პრეზიდენტს, ფრანკ ვალტერ შტაინმაიერს და ბუნდესტაგის პრეზიდენტს, ბერბელ ბასს შეხვდება.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
მთავრობის ადმინისტრაციის ინფორმაციით, 12 აპრილს, პირისპირ და გაფართოებულ ფორმატში შეხვედრების შემდეგ, ირაკლი კობახიძე და ოლაფ შოლცი ერთობლივ პრესკონფერენციას გამართავენ.
საქართველოს დელეგაციის გერმანიაში გამგზავრებამდე, 10 აპრილს, გერმანიის ელჩი პეტერ ფიშერი „ქართული ოცნების“ თავმჯდომარეს, ირაკლი ღარიბაშვილს შეხვდა. სოციალურ ქსელ X-ში დიპლომატმა დაწრა, რომ პრემიერ-მინისტრ ირაკლი კობახიძისა და კანცლრ ოლაფ შოლცის „მნიშვნელოვან შეხვედრამდე“, ღარიბაშვილთან საუბარი შეეხო „გერმანიის შეშფოთებას „უცხოური გავლენის გამჭვირვალობის“ კანონპროექტთან და ევროკავშირის 9 პუნქტის შესრულებასთან დაკავშირებით“. პარტია „ქართული ოცნების“ მიერ გავრცელებულ განცხადებაში ეს საკითხები ნახსენები არ არის.
„შეხვედრაზე ისაუბრეს საქართველოსა და გერმანიის ფედერაციულ რესპუბლიკას შორის არსებულ მეგობრულ ურთიერთობებსა და მრავალ სფეროში წარმატებული თანამშრომლობის საკითხებზე. აღინიშნა, რომ ორ ქვეყანას შორის მრავალწლიანი პარტნიორობის პოზიტიური დინამიკა სხვადასხვა სფეროში კიდევ უფრო მტკიცდება. საუბარი ასევე შეეხო საქართველოში მიმდინარე პოლიტიკურ ვითარებას და რეგიონში მიმდინარე პროცესებს“, - განაცხადეს „ქართულ ოცნებაში“.
5 აპრილს, „ქართული ოცნების“ მიერ ე.წ. „უცხოეთის აგენტების“ შესახებ რუსული კანონის ხელახლა წარდგენის გამო გერმანიის ბუნდესტაგის (პარლამენტის) საგარეო საქმეთა კომიტეტმა შეშფოთება გამოთქვა, 10 აპრილს კი კომიტეტის თავმჯდომარე მიხაელ როთმა X-ში დაწერა, რომ აღნიშნული კანონი ევროკავშირის წევრობასთან შეუთავსებელია.
„დამოუკიდებელი და კრიტიკულად განწყობილი სამოქალაქო საზოგადოება არა ხალხის მტერი, არამედ პირობაა ევროკავშირში გაწევრიანებისთვის. „ქართულმა ოცნებამ“ უნდა მოუსმინოს თავის ხალხს: ქართველების 90% ევროკავშირში გაწევრიანება სურს და არა პუტინის რუსეთთან“, - განაცხადა მიხაელ როთმა.
მმართველი პარტია აპირებს, რუსული კანონი საგაზაფხულო სესიის დასრულებამდე მიიღოს, მიუხედავად იმისა, რომ ამან შესაძლოა საქართველოს ევროინტეგრაციის პროცესი დააზიანოს.
