რუსეთის ფედერაციის საბჭოს საერთაშორისო საქმეთა კომიტეტის თავმჯდომარე გრიგორი კარასინი ე.წ. „უცხოეთის აგენტების“ შესახებ კანონზე საქართველოს პრეზიდენტის ვეტოს გამოეხმაურა და სალომე ზურაბიშვილი ქვეყანაში არასტაბილურობის მიღწევის მცდელობაში დაადანაშაულა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
„თავისებური ქალი ზურაბიშვილი, როგორც ჩანს, თავდაუზოგავად ცდილობს საკუთარ ქვეყანაში არასტაბილურობის მიღწევას. პარლამენტის აბსოლუტური უმრავლესობის მიერ მიღებული უცხოეთის აგენტების შესახებ კანონი მასში რაღაც უცნაურად დაჟინებულ უარყოფას იწვევს. აქ ჩნდება კითხვა: ვის ინტერესებს იცავს ქალბატონი პრეზიდენტი? ზოგადად, სცენარი ნათელია, მაგრამ მნიშვნელოვანია პოლიტიკოსმა არ დაკარგოს პროპორციის გრძნობა“, - განაცხადა კარასინმა 18 მაისს, მას შემდეგ რაც პრეზიდენტმა რუსულ კანონს ვეტო დაადო.
აღსანიშნავია, რომ გრიგორმა კარასინმა „ქართული ოცნების“ მიერ რუსული კანონის მიღება მოიწონა და „საქართველოს დღევანდელი ხელისუფლების ხასიათის გამოვლინებად“ შეაფასა.
ამ თემაზე - რუსეთის საბჭოს ვიცე-სპიკერის და „ქართული ოცნების“ განცხადებები სრულ თანხვედრაშია
საქართველოს პარლამენტმა ე.წ. „უცხოეთის აგენტების“ შესახებ რუსული კანონი 14 მაისის პლენარულ სხდომაზე მესამე, საბოლოო მოსმენით მიიღო. მას მხარი 84-მა დეპუტატმა დაუჭირა, 30 კი წინააღმდეგი იყო. ხელისუფლებამ არ გაითვალისწინა საერთაშორისო პარტნიორების გაფრთხილებები და ქვეყანაში მიმდინარე უწყვეტი, მასობრივი საპროტესტო აქციების მოთხოვნა, კანონი უპირობოდ უკან გაეწვიათ.
პრეზიდენტმა კანონს, რომელიც მისი შეფასებით საქართველოს კონსტიტუციის არაერთ მუხლს ეწინააღმდეგება, ვეტო დაადო, თუმცა „ქართული ოცნება“ მის დაძლევას 27 მაისის სასესიო კვირაში გეგმავს.
გასულ კვირას, თბილისში ვიზიტისას, აშშ-ის სახელმწიფო მდივნის თანაშემწემ ევროპისა და ევრაზიის საკითხებში ჯეიმს ო'ბრაიენმა ხელისუფლება გააფრთხილა, თუ კანონი ძალაში შევა ისე, რომ ის შესაბამისობაში არ იქნება ევროპულ ნორმებთან, აშშ-ის მხრიდან შეზღუდვებს ვნახავთ. გარდა ამისა, ო’ბრაიენის თქმით, შეერთებულ შტატებს აქვს დაახლოებით 390 მილიონი დოლარის დახმარება, რომლის დახარჯვასაც საქართველოს ხელისუფლებასთან ერთად გეგმავს, რაც ასევე კითხვის ნიშნის ქვეშ დადგება, თუ აშშ ახლა განიხილება „მოწინააღმდეგედ და არა პარტნიორად“.
