„ქართული ოცნების“ მიერ დანიშნულმა პრეზიდენტმა, მიხეილ ყაველაშვილმა მისალოცი წერილი გაუგზავნა ალექსანდრ ლუკაშენკოს, რომელმაც ახლახანს ზედიზედ მეშვიდე ვადით დაიკავა ბელარუსის პრეზიდენტის თანამდებობა.
ახალი ამბები
მკითხველის რჩეული
- 1 მზია ამაღლობელის მხარდამჭერი აქციის გამო შსს-მ 9 ადამიანს სამართალდარღვევის ოქმი შეუდგინა
- 2 მოსკოვი მზადაა, რუსეთ-საქართველოს „ურთიერთობების ნორმალიზაცია“ გააგრძელოს
- 3 გომელაური, „ხარება“ და სხვა დასანქცირებული პოლიციელები ღირსების ორდენით დააჯილდოვეს
- 4 პატიმრის ადვოკატი: „სახის არცერთი ძვალი მთელი არ აქვს, ეს აღწერილი არაა და რატომ, გაუგებარია“
- 5 კომისარი ო’ფლაერტი: მზია ამაღლობელის პატიმრობის გაგრძელება გაუმართლებელია
- 6 თბილისის მერია „რიყის დოქებთან“ 16 წლის ბიჭის დაღუპვაზე პასუხისმგებლობას ირიდებს
„მინდა მოგილოცოთ ბელარუსის რესპუბლიკის პრეზიდენტად არჩევა და წარმატებები გისურვოთ თქვენს საქმიანობაში“, - ნათქვამია ყაველაშვილის მილოცვის ტექსტში, რომელიც ლუკაშენკოს ადმინისტრაციამ გამოაქვეყნა.
ყაველაშვილმა ბელარუსის ლიდერს მადლობა გადაუხადა „იმ გულწრფელი მილოცვისა და კეთილი სურვილებისთვის“, რომელიც მისგან „საქართველოს პრეზიდენტად არჩევასთან დაკავშირებით“ მიიღო.
„ჩვენ ვაფასებთ საქართველოსა და ბელარუსის რესპუბლიკას შორის არსებულ მრავალწლიან ურთიერთობებს. სუვერენიტეტისა და ტერიტორიული მთლიანობის ურთიერთპატივისცემა ჩვენი თანამშრომლობისა და ჩვენს ხალხების შორის ურთიერთობების უმნიშვნელოვანესი ფუნდამენტია. იმედი მაქვს, რომ ქართულ-ბელარუსული ურთიერთობები განვითარდება ჩვენი ქვეყნებისა და ხალხების საკეთილდღეოდ“, - აღნიშნავს მიხეილ ყაველაშვილი.
ლუკაშენკოს ადმინისტრაციის ვებგვერდზე ასევე იძებნება რუსეთის, ჩინეთის, ირანის, აზერბაიჯანისა და თურქეთის პრეზიდენტების, ასევე, ჩრდილოეთ კორეის ლიდერის მილოცვები.
ბელარუსში საპრეზიდენტო არჩევნები 26 იანვარს გაიმართა. ცენტრალური საარჩევნო კომისიის მონაცემებით, ალექსანდრ ლუკაშენკოს ამომრჩეველთა 86.82%-მა მისცა ხმა. არჩევნებზე არც ეუთოს და არც დასავლეთის ქვეყნების ოფიციალური დამკვირვებლები არ ყოფილან. ევროკავშირის ლიდერებმა საპრეზიდენტო არჩევნებს ფიქტიური და არათავისუფალი უწოდეს.
ალექსანდრ ლუკაშენკო, რომელიც ბელარუსს 1994 წლიდან მართავს, ერთ-ერთი იყო იმ რამდენიმე ქვეყნის ლიდერს შორის, რომელმაც მიხეილ ყაველაშვილს გაპრეზიდენტება მიულოცა.
ლუკაშენკოს ნათქვამი აქვს, რომ მზად არის საქართველოს ოკუპირებული ტერიტორიების დამოუკიდებლობა აღიაროს, თუ რუსეთის პრეზიდენტი ვლადიმერ პუტინი ეტყვის, რომ ამის აუცილებლობა არსებობს. 2022 წელს ის ოკუპირებულ აფხაზეთში იმყოფებოდა, 2023 წელს კი მინსკში შეხვდა დე ფაქტო აფხაზეთის მაშინდელ პრეზიდენტს, ასლან ბჟანიას.
